Urkunde Nr. 924 aus Band II

Seite im UB:

320-321 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

924

1369 März 24 Comes Georg, Richter, und der Rat von Klausenburg erlassen zu Gunsten der Klausenburger Kürschner Bestimmungen, betreffend den Einkauf von Fellen und die Anfertigung von Pelzwerk.

Nos comes Georgius filius comitis Bartholomei iudex, iurati et universi seniores Cluswarienses ad universorum notitiam tam praesentium quam futurorum harum serie cupimus pervenire, quod providi viri et honesti Stephanus albus, Nykel pellifex, Petrus filius Mathiae, Clesel¹⁾ filius Martini pellificis in suis ac universorum pellipariorum seu pellificum nostrorum concivium in personis nobis detexerunt grandibus cum querelis, quod hospites [S. 321] de aliis districtibus, civitatibus ac villis in medium nostri venientes totum profectum et utilitatem in emptione pellium euiuslibet generis animalium, de quibus iidem pellifices nostri concives sua victualia deberent habere et nutrimenta et sacrae regiae coronae exactionales solvere contributiones, penitus tollerent ipsis in annullationem et derogamen satis grande, cum tamen in aliis civitatibus cives in eisdem incolatum et residentiam habentes prae hospitibus extraneis specialibus gauderent praerogativis, de quibus eaedem civitates efficacem percepissent et continuam perciperent meliorationem. Et quia expediens et ratione censetur fore dignum, ut cives seu homines quarumlibet civitatum in loco suae residentiae prae aliis¹⁾ extraneis ad eadem loca accessum²⁾ dirigentibus speciali praerogativa uti debeant et gaudere, nos igitur praedictis pellificibus nostris concivibus super ipsorum defectibus praemissis de remedio cupientes providere opportuno, ut ipsi sua victualia copiosius habentes praedicta Cluswar profectuum ubertate munita maius percipiant³⁾ incrementum, et exinde uberius⁴⁾ servitiorum et honorum⁵⁾ fructus regiae⁶⁾ proveniant⁶⁾ maiestati⁶⁾ in⁶⁾ medio⁶⁾ nostrae⁶⁾ universitatis, huiusmodi fecimus seu ordinavimus constitutiones, quod nullus nostrorum concivium seu aliorum extraneorum in medium nostri accedentium pelles ovium ac agnorum sive aliorum animalium domesticorum, campestrium, silvestrium ac cuiuslibet generis ferarum numero centenario⁷⁾ minus praeterquam nostri concives, qui eisdem pro usu sui laboris mechanici indigere noscuntur, emendi debeat habere facultatem, et quod nullus⁸⁾ in communitate et fraternitate praedictorum pellificum nostrorum concivium non existens sibimet in suo proprio operario proprium opus pellicearium possit seu valeat absque praenominatorum pellificum nostrorum⁹⁾ voluntate et consensu exercere, volentes praedictas constitutionum ordinationes perpetue et irrevocabiliter fore valituras praesentium nostri maioris sigilli appensione munitarum testimonio mediante, ea tamen interposita conditione, quod praefati pelliparii seu pellifices nostri concives inter se in communitate et fraternitate ipsorum nullas constitutiones commimi bono contrarias facere debeant seu ordinare. Si qui vero contra praemissas ordinationes sive constitutiones nostras facere praesumendo attemptarent, eosdem iudici nostro pro tempore constituto iuxta nostram deliberationem relinquimus puniendos.¹⁰⁾ Ut autem omnia praemissa perpetue et irrevocabiliter permaneant et perdurent, praeannotatis pellipariis nostris concivibus praesentes nostras literas nostri maioris sigilli appensione munitas concessimus et extradari fecimus omnium in robur praemissorum. Datum in vigilia annunciationis virginis gloriosae, anno domini M^o CCC^o LX^o nono. [S. 322]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 320, 1-10 auf S. 321.^{^}
[S. 320]
1) Kemeny a. a. 0.: Clessel.^{^}
[S. 321]
1) Kemeny a. a. 0. hierauf: hospitibus.^{^}
2) Ebendas. hierauf: suum.^{^}
3) Ebendas.: percipiat.^{^}
4) Ebendas.: uberiores.^{^}
5) Ebendas.: bonorum.^{^}
6) So ebendas. -- Fehlt in der Vorlage. [6x]^{^}
7) So Kemény a. a. 0. -- Vorlage: centeuario.^{^}
8) So Kemény a. a. 0. -- Vorlage: nulla.^{^}
9) Kemény a. a. 0. hierauf: concivium.^{^}
10) So ebendas. -- Vorlage: puniendo.^{^}