Urkunde Nr. 912 aus Band II

Seite im UB:

310-312 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

912

1368 April 3 Der Kolozsmonostorer Konvent schaltet die Urkunde des Königs Ludwig I. von 1368 Nr. »911 ein und berichtet dem Könige über den Verlauf der Begehung der Grenzen eines zwischen der Stadt Klausenburg und Nikolaus von Gerend strittigen Landstrichs.

Excellentissimo principi domino Lodouico dei gratia inclito regi Hungariae domino ipsorum metuendo conventus ecclesiae beatae virginis de Clusmonostra orationes in domino debitas et devotas. Literas vestrae celsitudinis super facto cuiusdam terrae litigiosae nobis directas recepimus in haec verba. (Folgt die Urkunde des Königs Ludwig I. von 1368 Nr. »911.) Nos igitur mandatis vestrae excellentiae obedire cupientes ut tenemur una cum eisdem domino Ladislao episcopo Wesprimiensi et Benedicto archidiacono necnon magistro. Benedicto protonotario domini Nicolai vaivodae hominibus vestrae serenitatis ad praemissa negotia peragenda specialiter deputatis religiosum virum dominum Otthonem abbatem dicti monasterii dominum et praelatum nostrum propter maioris iustitiae evidentiam pro testimonio transmisimus. Demum iidem exinde ad nos reversi nobis concorditer retulerunt, quod ipsi feria sexta proxima ante dominicam Ramispalmarum¹⁾ ad faciem praedictae terrae inter praenotatos cives de Cluswar et eundem Nicolaum de Gerend litigiosae habitae accessissent vicinis et commetaneis convocatis et praesentibus, licet ipsae partes prius in ipsarum reambulationibus et metarum ostensionibus discrepaverunt, tamen ultimate eisdem partibus consentientibus, volentibus, concordantibus et benivole admittentibus easdem videlicet civitatem regalem Cluswar et villam Banabyky Nicolai de Gerend praenotati per huiusmodi novarum metarum erectiones ab invicem separassent. Primo et principaliter in nemoribus ex plaga orientali in latere cuiusdam montis prope quandam arborem ilicis a tribus capitalibus metis terreis, quarum una a plaga septentrionali civitati Cluswar altera ex parte orientis possessioni Reud tertia praedictae villae Banabyky ex parte meridiei separarent, [S. 311] incipiendo circa easdem duas metas novas unam a plaga septentrionali dictae civitati Cluswar aliam a parte meridionali eidem possessioni Banabyky separantes cumulassent, inde progrediendo ad eandem partem occidentis infra de ipso monte descendendo prope quandam vallem ad unam antiquam metam pervenientes iuxta eandem unam novam metam cursualem easdem scilicet civitatem Cluswar et villam Banabyky separantem erexissent, abhinc saliendo ipsam vallem ad dictam partem occidentalem eundo in latere alterius montis supra eandem vallem existentis duas novas metas, quarum una a parte septentrionali civitati Cluswar a parte vero meridiei possessioni Banabyky separarent, erexissent, deinde autem paululum procedendo ad eandem partem occidentalem unam novam metam cursualem cumulassent, inde eundo directe ad ipsam partem occidentalem in descensu ipsius montis unam novam metam cursualem elevassent, abhinc ulterius versus eandem partem occidentalem progrediendo prope portum cuiusdam vallis unam novam metam erexissent, abhinc saliendo unum rivulum parvum in eadem valle currentem directe ad eandem partem occidentalem tendendo in latere cuiusdam montis unam novam metam cursualem pro partibus erexissent et sic directe ascendendo ad ipsum montem in cacumine eiusdem montis circa duas metas antiquas iterum duas novas metas modo et ordine supra dicto pro partibus separantes erexissent. Item infra de ipso monte descendendo et ad eandem partem occidentalem tendendo a parte orientis cuiusdam magnae viae, quae ducit de Banabyky ad Cluswar, prope ipsam viam unam novam metam cursualem de novo erexissent. Hinc saliendo ipsam viam ad ipsam partem occidentalem progrediendo prope ipsam viam iuxta duas antiquas metas¹⁾ alias duas novas ordine supra dicto ipsis partibus separantes erexissent, dehinc ad plagam meridionalem parvum reflectendo saliendo unum rivulum parvum in quadam valle currentem per bonum spatium eundo in ascensione cuiusdam montis supra eundem rivulum existentis in latere scilicet ipsius montis iuxta duas antiquas metas unam metam cursualem cumulassent, abinde girando ad supra dictam partem occidentalem supra ipsum montem ascendendo in descensu ipsius montis iuxta duas antiquas metas unam cursualem metam erexissent, adhuc ad ipsam partem occidentalem per bonum spatium super montem magnum planum progrediendo iuxta metam antiquam unam novam metam cursualem elevassent, abhinc ad saepe dictam partem occidentalem procedendo per bonum spatium in descensu cuiusdam minoris montis in quodam piano eiusdem iuxta antiquam metam unam novam cursualem erexissent. Inde de ipso monte descendendo ad unam magnam vallem et ad directam partem occidentalem tendendo in latere eiusdem montis unam metam cursualem super eandem vallem erexissent, dehinc saliendo ipsam vallem directe ad saepe dictam plagam occidentalem supra magnum montem ascendendo in cacumine eiusdem montis secus duas metas antiquas alias duas novas ordine praenotato ipsis partibus separantes erexissent, adhuc versus eandem partem occidentalem eundo in descensione eiusdem montis iuxta quandam viam magnam unam novam metam cursualem erexissent, abhinc saliendo unam vallem versus ipsam partem occidentalem ascendendo ad unum montem [S. 312] in acie eiusdem unam novam metam cursualem cumulassent et sic proce-dendo directe ad saepe fatam partem occidentalem iuxta duas antiquas metas penes quandam viam, per quam itur ad Cluswar ad Jara, ubi coniunguntur metis abbatis de Cluswar, duas novas metas erexissent, quarum una ut superius declaratur ex parte meridiei possessioni Banabyky ex parte vero septentrionali civitati separarent, erexissent, ubi etiam ipse dominus abbas pro sua parte eidem monasterio separantem unam novam metam erexisset, et sic terminarentur cursus metarum litigiosae terrae praenotatae. Datum quarto die termini praenotati, anno domini ut supra.

<ku<Auf der Rückseite Adresse: Serenissimo principi domino Lodouico inclito regi Hungariae domino ipsorum naturali.

Pro civibus et hospitibus de Cluswar contra Nicolaum de Gerend in facto cuiusdam litigiosae terrae reambulatoria.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 310. 1 auf S. 311.^{^}
[S. 310]
1) März 31.^{^}
[S. 311]
1) Hierauf: metas [unterpunktet].^{^}