Urkunde Nr. 119 aus Band I

Seite im UB:

100-102

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

119

1268 Stephan iunior rex verleiht Comes Alexander für seine bei der Schwarzburg geleisteten Dienste einige Besitzungen.

Stephanus dei gratia iunior rex Vngariae, dux Transsiluanus, dominus Cumanorum omnibus Christi fidelibus praesens scriptum inspecturis salutem in omnium salvatore. Licet regia pietas manum munificam porrigere debeat universis, illos tamen, quorum experta probitas laudata est in prosperis et in adversis, principaliori debet prosequi munere et favore, ut alii eorum exemplis invitati ad fidelitatis opera fortius accendantur. Proinde ad universorum notitiam harum serie volumus pervenire, quod licet Alexander comes de Zobolch filius Drug dilectus et fidelis noster [S. 101] a primaevis pueritiae nostrae temporibus, in pluribus expeditionibus, casibus et fortunis nobis servierit fideliter et devote, nec rebus volens parcere nec personae et ea enarrari nequeant per singula suo modo, quaedam tamen in medium producere et inseri praesentibus iudicamus. Cum graves persecutiones per parentes nostros extra meritum pateremur, idem affectu, sinceritate, obsequioso famulatu nobis reddidit adeo se devotum, quod prae certis mortis eventibus se ponebat in speculandis seu conzandis et aliis insurgentibus nobis viriliter et potenter, et cum claustra castri Feketeholm adiissemus deserentibus aliis baronibus nostris et militibus, post non posse resistere nostris persequentibus et inimicis, ipse nos non reliquit, sed adhaerens nostro lateri, in ipso castro in nocturnis et diurnis vigiliis tam grata et accepta servitia impendit, quae vix possunt per singula recitari. Et cum cum^a) Laurencio filio Kemyn maiore persecutore nostro et inimico conflictum haberemus, ubi [ide]m Laurencius captus fiut, unum bonum militem prostravit, ante omnes alios, cuius clipeum nobis misit, in nostram recreati[onem et] consolationem, nam missio ipsius clipei, nobis pro [ ] materiam gaudiorum, fuit enim primum donum, in signum nostrae victoriae et triumphi, idem in eodem conflictu, inter alias virtutes mili[tares] et laudabiles fidelitates, de specialioribus militibus [ ]cium, decem et octo milites captivavit, quos omnes ad nos duxit, quemadmodum boves seu vitulos [ ] in conflictu quo Herricus palati[nus] cum duobus filiis captus fuit, considerantes et attendentes opera eximiae virtutis et summae fidelitatis, eundem in [ ]os ass[ump]simus et recepimus, permittentes et locantes ad dextram esse nostram, et cum quidam miles insignis cum lancea vexillata irruisset in nos et lanceam suam in par[ ]sellae nostrae fregisset, qui tamen per hastam nostram succubuit in momento et hoc viso alii inimici nostri in nos irruere voluissent, idem Alexander comes, cavens nobis et custodiens nos, de laesion[e quali]bet, exercendo militias, modo ante nos, modo post nos et aliquando ad utrimque latus nostrum inter alias virtutes suas praeclaras et laudabiles militias, unum militem insignem in conspectu nostro prostravit hasta sua viriliter et laudabiliter dimicando, omnibus ut est notum. Quam ob rem in recompensationem fidelitatum et servitiorum ipsius volentes grata vicissitudine eidem occurrere, licet pro modico reputemus, quod ad praesens agimus, respectu eorum, quae facere intendimus et meretur, terram Malka vocatam, quam Myke barbatus a comite Drug patre ipsius Alexandri comitis receperat, sufficientem ad sex aratra, sicut dicitur, sitam in comitatu de Zotmar, item terram Clementis sine herede decedentis Keztel vocatam, in comitatu de Zemlyn existentem, praeterea terram Olan, similiter sine herede decedentis etiam Olan vocatam, sitam in comitatu de Borsod, cum omnibus utilitatibus et pertinentiis earum ac sub eisdem metis et terminis in quibus ab antea limitatae fuerant et possessae, eidem Alexandro comiti et suis heredibus heredumque successoribus donavimus, tradidimus et contulimus perpetuo possidendas. Ut igitur hae nostrae donationes robur obtineant perpetuae firmitatis nec in aliquo cursu temporum per quempiam possint in irritum revocari vel retractari, praedicto Alexandro comiti et suis posteris praesentes [S. 102] contulimus literas duplicis sigilli nostri munimine roboratas. Datum per manus magistri Petri dilecti et fidelis nostri aulae nostrae vicecancellarii, anno domini millesimo ducentesimo sexagesimo octavo.


a) Nachtrag UB I, Seite 619 statt: cum, cum.^{^}