Urkunde Nr. 327 aus Band I

Seite im UB:

300-301

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1772.

Druckvorlage:

nach Original

Abdruck als:

Volltext

Sprache:

Latein

---

327

1311 Mai 7 Das Weissenburger Kapitel bezeugt, dass Daniel, Pfarrer in Reichau, und dessen Bruder Salomon ihren Antheil an Demeterpataka ihrem Oheim Comes Daniel verkauft haben.

[S. 301] Capitulum ecclesiae beati Mychaelis archangeli Transsiluanae omnibus Christi fidelibus praesens scriptum inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod Daniele plebano de Ryho filio quondam Jacobi comitis filii Chelonis pro se et Salomone fratre suo ex una parte, ab altera vero Daniele comite patruo suo filio eiusdem Chelonis coram nobis personaliter constitutis idem Daniel plebanus confessus est oraculo vivae vocis, medietatem terrae Demeterpotoka¹⁾ vocatae portionem ipsorum videlicet in ipsa terra Demeterpotoka²⁾ ipsum et Salomonem fratrem suum contingentem cum omnibus utilitatibus suis sine praeiudicio iuris alieni vendidisse et locasse dicto comiti Danieli consanguineo suo et per eum suis heredibus heredumque suorum successoribus pro duodecim marcis fini argenti plene habitis per eosdem, sicut dixit, et perceptis perpetuo et irrevocabiliter possidendam, tenendam pacifice et habendam. In cuius rei testimonium et robur perpetuum ad instantiam et petitionem partium literas nostras praesentes concessimus sigilli nostri munimine roboratas. Datum feria sexta proxima post festum inventionis sanctae crucis, anno domini millesimo trecentesimo undecimo. Magistro Gregorio praeposito, Thoma cantore, Vincencio custode, Gregorio decano ecclesiae nostrae existentibus.

Auf der Rückseite von einer Hand des 15. Jahrhunderts: Dyr pryf gehöret vf Mytters grvnd.


1) 1379: Demeterpataka.^{^}
2) 1379: Demeteurpataka.^{^}