Urkunde Nr. 391 aus Band I

Seite im UB:

361-362

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.).

Druckvorlage:

nach Einschaltung (Insert)

Abdruck als:

Volltext

Sprache:

Latein

---

391

Temeswar 1322 April 20 ^a) König Karl bestätigt der Stadt Klausenburg ihre Freiheiten im Steuer- und Zollwesen.

[S. 362] Karolus dei gratia rex Hungariae dilectis sibi et fidelibus vaivodae Transsiluano, comitibus, castellanis, tributariis pro tempore constitutis et eorum vices gerentibus quibus praesentes ostenduntur salutem et gratiam. Cum nos cives et hospites nostros universos de Koluswar fideles consideratis fidelitatibus eorundem multimodis in libertatibus ipsorum a nostris progenitoribus collatis et per nostram maiestatem denuo confirmatis illaesos et indemnes ex gratia speciali conservare intendamus, volumus et fidelitati universitatis vestrae regio edicto firmo damus sub praecepto, quatenus eosdem cives ac universos hospites nostros de Koluswar ultra libertates ipsorum in exactione collectarum tributorum victualium ac aliarum solutionum quarumlibet molestare non audeatis vel aggravare, sed prout in privilegio ipsorum a nostra serenitate concesso videbitis contineri eos pacifice commorari permittatis, ne nostrae maiestatis insignia eisdem gratiose collata per vos vacillari videantur. Et sicut nostram gratiam caram habere desideratis, secus in praemissis non facturi. Datum in Themeswar, tertio die octavarum Pascae, anno domini M^o CCC^o XX^mo secundo.


a) Ausstellungsort im UB als: Temesvar.^{^}