Urkunde Nr. 286 aus Band I

Seite im UB:

214-216

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

286

1300 Juli 13 Der siebenbürgische Bischof Petrus bezeugt, dass Elisabeth, Witwe Herbords, die Besitzungen Varadgya und Damasfeldu dem Weissenburger Kapitel vermacht hat.

Nos Petrus dei gratia episcopus Transiluanus praesentium per tenorem significamus quibus expedit universis, quod domina Elysabeth relicta comitis Herbordi filii Henninghii de Vynch inferiori volentibus et consentientibus filio nomine Herbordo et filia Elysabeth nuncupata ac comite Daniele filio Chelonis fratre eiusdem dominae necnon et comite Anch de [S. 215] Vinch inferiori ac Petro plebano de Sebus filio comitis Wasmoldi astantibus praesentia personali coram nobis constituta deum habens prae oculis et cogitans de supremis de possessione comitis Herbordi quondam mariti sui praelibati ad eam devoluta, qui divino vocante iudicio viam universae carnis est ingressus, Warda vocata simul cum terra Damasfeldu nuncupata, ubi ecclesia lapidea in honore sanctae trinitatis est constructa, quae de bonis mariti sui supra scripti et propriis sunt comparatae, talem ordinationem fecisse et ex voto quod praesentibus confirmat firmiter observaturam promisisse est confessa, videlicet quod si ipsa mortua filius et filia superviverent et eos successu temporum absque heredum solatio decedere contingeret aut tractu temporis successores seu heredes eorundem filii videlicet et filiae utriusque sexus tam de linea feminina quam masculina, ex tunc dicta possessio Warda simul cum terra Damasfeldu supra dicta cum omnibus adiacentiis et utilitatibus, molendinis, vineis, silvis, nemoribus, pratis ac portu navium cum naulo ad ipsam villam Warda pertinenti et aliis pertinentiis omnibus ad ipsas Warda et Damasfeldy quomodolibet spectantibus, ex voto et ordinatione nunc facta in ius et proprietatem capituli ecclesiae nostrae devolverentur ipso facto. Si vero praedictos filium et filiam cum tota posteritate eorundem adhuc ipsa vivente debita naturae solvere contingeret et praedicta domin a Elysabeth superviveret, ex tunc praefatas possessiones Warda et Damasafeldy cum omnibus utilitatibus pertinentiis et adiacentiis pacifice et quiete absque omni humano impedimento libere possidebit, relicturam ac donaturam, immo donationem ex nunc factam effectui mancipaturam. Si autem ipsa domina Elysabeth instinctu spiritus sancti dictas possessiones viva voce et voluntarie resignare voluerit et recedere ab eisdem possessionibus, ex tunc capitulum ecclesiae nostrae et fratres de eodem quinquaginta marcas fini argenti eidem dominae plene et integre dare debent pro voluntate sua distribuendas vel habendas, sicut ex voto se astrixit, ut superius est expressum, praedicto capitulo ecclesiae nostrae se promisit, et ne in hoc casu voto suo ex nunc ordinato et sollennisato malitia hominum possit aliquatenus obviare, cum casus fortuiti et inopinabiles non possint praevideri, si ipsam morte improvisa transire ex hoc saeculo contingeret, dictas possessiones in ius et proprietatem dicti capituli nostri ex nunc vult transferri, contradictione cuiuslibet non obstante. Hoc adiecto, quod fratres de capitulo nostro memorato supra dictas quinquaginta marcas fini argenti pro remedio animae comitis Herbordi mariti sui et suae necnon et filiorum ac filiae seu totius posteritatis distribuere tenebuntur modo infra scripto. Decem videlicet marcas dabunt fratribus Praedicatonbus de domo Albensi ad opus ecclesiae beatae virginis, decem fratribus Heremitanis sancti Augustini de conventu Albensi ad opus ecclesiae beati Stephani, quinque marcas fratribus Praedicatonbus de Cybinio ad opus ecclesiae sanctae crucis, quinque marcas fratribus Minoribus ad opus ecclesiae sanctae Elysabeth, decem fratribus Praedicatonbus in Vinch existentibus, si in conventum usque ad completionem conditionum¹⁾ supra dictarum¹⁾ fuerit erectus idem locus, sin autem quinque marcas fra- [S. 216] tribus illic residentibus et quinque fratribus de Candela ac decem fratribus Praedicatoribus de Segusvar, nec prius adire debent possessiones memoratas, nisi prius quinquaginta marcae praenotatae secundum modum ante dictum plene et integre fuerint persolutae. Ceterum totam ordinationem factam de verbo ad verbum totum capitulum ecclesiae nostrae nullo de fratribus contradicente humiliter cum gratiarum actione coram nobis gratanter acceptavit. In cuius rei gestae testimonium ad petitionem partis utriusque praesentes appositione sigilli nostri feeimus communiri. Datum Albae, in festo beatae Margaretae virginis, anno domini M^o CCC^o


1) Vorlage: conditionem.^{^}
2) Fehlt. Siehe Nr. »287.^{^}