Urkunde Nr. 169 aus Band I

Seite im UB:

122-123

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 378.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

169

1273 Bischof Lodomerius, Propst B. und das Kapitel von Grosswardein verzeichnen auf Grund von Zeugenaussagen die Einkünfte des Bischofs und des Kapitels von Grosswardein.

Nos Lodomerius dei gratia episcopus Waradiensis, B. praepositus totumque eiusdem ecclesiae capitulum significamus universis quibus expedit praesentium per tenorem, quod cum quaedam iura et possessiones inter [S. 123] episcopatum et capitulum ante adventum Tartarorum communia propter processum temporis deficientibus antiquis canonicis de capitulo propter novitatem succedentium^a) personarum fuissent in dubium revocata neque aliter ad plenam certitudinem potuissemus aliquatenus devenisse, omnes seniores iobagiones ecclesiae et alios aliquos habentes recordationem et notitiam temporis retroacti convocavimus in unum, a quibus communi voluntate et consensu modo vir religiosus et discretus frater Johannes praepositus sancti Stephani de promontorio Waradiensi adiunctis sibi quibusdam fratribus suis, praesente nihilominus Egidio sacerdote custode ecclesiae nostrae super sanctissimum caput beatissimi regis Ladislai domini nostri in terris et patroni in caelis exegit a praedictis omnibus corporaliter sacramentum, qui praestito huiusmodi corporali iuramento praedictorum communium iurium et possessionum talem fecerint declarationem, scilicet quod villa Pyspuky, villa Zewlews, villa sancti Laurencii inter episcopatum et capitulum sunt communes. Item in decimis de vino ubicumque accipi possunt id est sive in Wardino vel ubicumque alias per nostram diocesim media parte episcopatum contingente dimidia pars capitulo debetur. Item in villa Olazy de tabernis tam in vino vel in quolibet potu quod venditur tributum ex hiis exspectat capitulo sicut in Waradino, sed alia omnia videlicet decimae census terragii solum episcopatum contingunt. Item terra Kordu et terra Ireg aequaliter tripartitur inter episcopatum, capitulum et conventum sancti Stephani. Item terra Besenew in duas dividitur aequaliter inter episcopatum et capitulum. Item terra Macha dividitur simili modo. Item de villa Kwleser dicebant, quod capitulum suam portionem haberet certis metis distinctam, sed qualitatem quantitatemque ignorarent. Item terra Bormow inter episcopatum et capitulum est communis. Item terra Irugd terra Stephani filii Chuda quam Criges detinet nunc decimas capitulo solvebat. Item quarta pars totius terragii de villa Feltoti cum decimis porcorum et melle capitulo debentur. Item in decimis porcorum domini regis in villa Doboz et de aliis capitulum tertia pars contingit. Item decimae de villa Harsan Gyan, villa Teek Meger, villa Omberens et de villa Ewsy, quae donativae sunt et legativae episcopatum contingunt. Item decimae provenientes de Homrok villa Tupd et de villa Herpauli debentur capitulo totaliter. Item similiter decimae de villa Panchyrgdy et de alia Irgud villa praepositi de Lelez capitulo debentur totaliter. Item decimae de villa Sonchka terram ecclesiae de Porozlo capitulo debent totaliter. Item quidquid in piscina de Fyred potest provenire tertia pars spectat capitulo. Item de tributo Zegned, similiter item tributa fori de toto comitatu Abwywar capitulo totaliter, item de comitatu Hewes tributum fori et Horwon pertinet episcopatui totaliter. In villa Fudy dominus episcopus hoc habebat mansionum vinicatores quinque, vero capitulum in eadem habebat mistratores candelarum et alii erunt servi regis sub una meta tamen tota terra indistincta hiis exceptis et exemptis super quibus dubitabatur. Alia possidebantur distincte sicut nunc per dominum episcopum et capitulum. In cuius rei memoriam praesentes sigillo episcopali capituli ac praepositi et conventus sancti Stephani de promontorio Waradiensi voluimus communiri. Datum anno domini millesimo CC septuagesimo tertio. [S. 124]


a) Nachtrag UB I, Seite 619 statt succendentium.^{^}