Urkunde Nr. 1747 aus Band III

Seite im UB:

621-622

Druckvorlage:

nach Original

Abdruck als:

Volltext

Sprache:

Latein

---

1747

Speyer 1414 Juli 30^a) König Sigmund befiehlt Michael Salomonis, dem Comes der Szekler, und Genossen, die Gemeinde Jaad gegenüber den Bedrohungen und Besitzstörungen seitens Nikolaus Appas und Johanns von Bethlen zu beschützen.

Von der Kanzlei:Propria commissio domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris magnifico Michaheli Salomonis de Nadasd comiti Siculorum nostrorum et strenuo Ladislao vicevaivodae partium nostrarum Transsiluanarum vel eorum vices gerentibus salutem et gratiam. Venientes nostrae maiestatis in conspectum fideles nostri providi Andreas Rymer iudex et Nicolaus Scherer iuratus civis nostrae civitatis Bistriciensis necnon Johannes Clobis dicti similiter iudex de Nagdemeter in personis universorum et singulorum populorum et hospitum nostrorum in possessione nostra Jaad vocata commorantium ad praedictam civitatem nostram Bi- [S. 622] striciensem et provinciam eiusdem pertinentium nobis exposuerunt plurimum conquerentes, quomodo nonnulli forent nobiles eorum scilicet vicini et commetanei et praesertim Nicolaus filius Appa et Johannes de Bethlen ac officiales et populi eorundem, qui ipsos nostros populos et hospites de Jaad diversis minarum comminationibus et aliis iniuriarum et vexationum illationibus et damnis multipliciter et indesinenter perturbando et aggravando eosdem certis terris arabilibus necnon silvis, pratis et aquis et signanter fluvio a parte castri nostri Rodna nuncupati decurrenti et alio flumine Bistriczia vocato, quibus semper et ab antiquo usi et gavisi fuissent et quae intra veras metas et cursus metales dictae possessionis Jaad haberentur situatae, uti frui et gaudere non permitterent plerumque ipsos de facie praedictarum terrarum, silvarum, pratorum et fluviorum repellendo et repelli faciendo eorum potentia mediante in praedictorum nostrorum populorum et hospitum, immo verius nostrae maiestatis praeiudicium et damnum satis magnum. Verum quia praemissa non minus quam si nobis forent irrogata reputantes dictos nostros populos et hospites ab huiusmodi comminationibus et aliis vexationibus et gravaminibus omnino illaesos praeservari dictisque terris, silvis, pratis, fluviis ceterisque utilitatibus praedictae villae nostrae Jaad nostram nequaquam privari volumus maiestatem, fidelitati igitur vestrae firmiter praecipiendo mandamus omnino volentes, quatenus visis praesentibus et intellectis nullo ulteriori nostro mandato superinde exspectato ex parte praefatorum Nicolai Appa et Johannis necnon aliorum, quos iidem sibi culpabiles fore asseruerint, eisdem nostris populis et hospitibus plenam et omnimodam iuris et iustitiae satisfactionem impendentes et exhibentes ipsos nostros populos et hospites in pleno et pacifico dominio ac reali possessione praedictarum terrarum, silvarum, pratorum, fluviorum et quarumlibet aliarum utilitatum ad dictam possessionem Jaad pertinentium adeo protegere, conservare et indemniter manutenere debeatis, ut huiusmodi nostrae maiestatis mandata per vestram fidelitatem ad nutum, quod in hac parte sequi optamus, videantur debito effectui mancipari. Aliud facere non ausuri favoris nostrae gratiae sub obtentu. Praesentes etiam post earum lecturam semper reddi iubemus praesentanti. Datum cis Renum in civitate Spirensi, feria secunda proxima post festum beati Jacobi apostoli, anno domini M^o CCCC^o quarto decimo, regnorum nostrorum anno Hungariae et cetera XXVIII^o Romanorum vero quarto.

Unter dem Siegel: Propria commissio domini regis.

Auf der Rückseite, von einer Hand des 15. Jahrhunderts: Pro illis de Jayd contra Nicolaum Appa filium et Johannem de Betlehem.


a) Ausstellungsort im UB als: Speier.^{^}