Urkunde Nr. 1745 aus Band III

Seite im UB:

617-619

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1745

Speyer 1414 Juli 30^a) König Sigmund bestätigt für den Bistritzer Distrikt die Urkunde des Woiwoden Stibor von 1412 Nr. »1679, betreffend die in Rodna für den Handelsverkehr mit der Moldau zu entrichtenden Abgaben. -- Der König behält sich die endgültige Festsetzung der Höhe dieser Abgaben vor und gestattet gleichzeitig allen Kaufleuten die Ein- und Ausfuhr von sämmtlichen Waren, insbesondere von Eisen.

Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae et cetera rex memoriae commendamus tenore praesentium significantes quibus expedit universis, quod fideles nostri providi Andreas Rymer iudex et Nicolaus Scherer iuratus civis necnon Johannes Clobis dicti similiter [S. 618] iudex de Nagdemeter in eorum ac universorum aliorum civium iudicum et iuratorum seniorum totiusque communitatis civitatis et provinciae Bistricziensis personis nostrae maiestatis venientes in conspectum exhibuerunt nobis quasdam literas quondam magnifici Stiborii vaivodae partium nostrarum Transsiluanarum patenter emanatas tenoris infra scripti, supplicantes nostrae culmini maiestatis precibus subiectivis, quatenus easdem ratas, gratas et acceptas habendo eisdemque nostrum regium consensum praebendo ipsos in libertatibus in eisdem literis contentis conservare dignaremur gratiose. Quarum tenor sequitur et est talis. (Folgt die Urkunde des Woiwoden Stibor von 1412 Nr. »1679.) Et quia regiam decet excellentiam circa sibi subiectorum commoda a[ug]mentanda diligenter invigilare et praesertim eorum,¹⁾ quos sibi et sacrae coronae regiae non sine dispendiosis personarum casibus et gravibus expensarum oneribus conspexit et cernit tam indesinenter quam fideliter adhaesisse, igitur supplicationibus praemissorum Andreae iudicis, Nicolai Scherer et Johannis Clobis per ipsos nominibus quibus supra nostrae oblatis maiestati pie et clementer exauditis praescriptas literas memorati quondam Stiborii vaivodae non abrasas, non cancellatas nec in aliqua sui parte vitiatas sed omni prorsus vitio destitutas quoad omnes earum continentias, clausulas et articulos ratas, gratas et acceptas habendo eisque nostrum regium consensum benivolum praebendo tricesimam et tributum huiusmodi praecise et omnino iuxta praemissam limitationem in iam dictis literis vaivodalibus contentam et expressatam tamdiu, quousque in ipsum regnum nostrum Hungariae feliciter redeuntes superinde maturius deliberare poterimus, exigi permittendum duximus et extorquendum. Volentes insuper et per expressum decernentes, ut omnes et quilibet mercatores tam nostri quam serenissimi principis domini Wladislai regis Poloniae fratris nostri carissimi quam etiam aliorum quorumcumque durante inter nos et praefatum dominum regem Poloniae pacis tranquillitate easdem partes nostras Transsiluanas simul cum universis rebus et bonis ipsorum mercimonialibus signanter ferro intrandi et exeundi tributis seu tricesimis necnon ceteris solvendis expeditis liberam, securam et omnimodam habeant facultatem harum nostrarum vigore et testimonio literarum. Quocirca vobis fidelibus nostris magnifico Michaeli Salomonis comiti Siculorum nostrorum castellanisque seu vicecastellanis necnon tributariis et tricesimatoribus in praedicto castro nostro Rodna constitutis et etiam futuris comiti Siculorum nostrorum necnon castellanis seu vicecastellanis ac tricesimatoribus et tributariis ibidem in Rodna pro tempore constituendis firmo regio praecipimus sub edicto mandantes seriose, quatenus a modo et in antea praescripta tricesimam et tributum nequaquam aliter quam iuxta praemissam limitationem in praedictis literis ante dicti quondam Stiborii vaivodae contentam et expressatam exigentes et extorquentes praedictos mercatores et alios quoslibet negotiatores simul cum praemissis eorum rebus mercimonialibus necnon ferro et aliis cuiuscumque generis et maneriei existant tam in eundo quam in redeundo ut praemittitur sinatis et permitti faciatis libere et pacifice pertransire, secus nequaquam facere ausuri in praemissis [S. 619] sicuti nostrorum mandatorum transgressores effici formidatis. Praesentes etiam post earum lecturam semper reddi iubemus praesentanti. Datum cis Renum in civitate Spirensi, feria secunda proxima post festum beati Jacobi apostoli, anno domini millesimo CCCC^mo quarto decimo, regnorum nostrorum anno Hungariae et cetera vicesimo octavo, Romanorum vero quarto.

Von der Kanzlei: Commissio propria domini regis.


a) Ausstellungsort im UB als: Speier.^{^}

1) Vorlage: hiis.^{^}