Urkunde Nr. 1744 aus Band III

Seite im UB:

616-617 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1744

Speyer 1414 Juli 29^b) König Sigmund richtet an die Stadt Bistritz einen Erlass, betreffend das Verbot der Wahl und Einsetzung eines Richters seitens der Minderheit entgegen dem Wissen und Willen der Mehrheit der Stadtbewohner.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fidelibus nostris universis et singulis iuratis civibus ceterisque hospitibus necnon toti communitati nostrae civitatis Bistriciensis partium nostrarum Transsiluanarum salutem et gratiam. Ex significatione fidelium nostrorum Andreae Rymer iudicis et Nicolai Scherer iurati concivis vestrorum nostra intellexit serenitas plurimum displicenter, quomodo¹⁾ nonnulli forent ex vobis, qui derelictis antiquae et laudabilis vestrae libertatis praerogativis iustitiaeque et honestatis virtutibus alias in hac parte observari solitis in unum confoederantes aliis pluribus probis viris et honestis maiorique communitatis populi multitudine ignorantibus et invitis tempore eligendi inter vos iudicem occurrente iudicem per se temere eligere et instituere consuevissent, propter quod non modica seditionum, odiorum et iurgiorum genera et rumorum vestri in medio iam plerumque exorta exstitissent, de quo huiusmodi malorum et seditionum perpetratoribus plurimum aegre ferentes cogimur vehementer admirari. Unde nos huiuscemodi bipertitas et partiales consuetudines immo potius corruptelas et abusiones, quae in ipsius nostrae civitatis eiusdemque politiae bene rectae et vestrae universitatis manifestum scandalum et desolationis non modicum vergere videntur detrimentum, e vestri medio radicitus evelli et exinaniri vosque desideratae et verae pacis [S. 617] tranquillitate alterutrum amplecti et gratulari volentes vestrae universitatis et cuiuslibet vestrum fidelitati firmo et praeciso regio praecipimus sub edicto omnino carere¹⁾ nolentes, quatenus a modo in antea et deinceps praemissis bipertitis et abusivis consuetudinibus de vestri medio penitus et per omnia evulsis, abiectis et postpositis praemisso eligendi iudicem tempore adveniente vos pariter et in unum more alias consueto convenientes iudicem unanimi et concordi voluntate iuxta antiquam vestrae libertatis et praerogativae consuetudinem vestri in medio eligentes et instituentes in verae et sincerae pacis mutua dilectione persistere adeo debeatis, ut per amplius talia et consimilia contra quoscumque ex vobis ad nostrae nequaquam veniant aures maiestatis. Alioquin quoslibet tales ex vobis in praemissis contrarium facientes per fidelem nostrum dilectum magnificum Michaelem Salamonis de Nadasd modernum et etiam in futurum constituendum Siculorum nostrorum comitem talibus poenarum gravaminibus incompassibiliter utique puniri faciemus, quae nedum eis verum etiam posteris ipsorum lugubre cedere poterint²⁾ in exemplum. Secus ergo sicuti nostrae gravissimae indignationis poenam evitare cupitis nequaquam facere ausuri in praemissis. Datum cis Renum in civitate Spyrensi, dominica proxima post festum beati Jacobi apostoli, anno domini M^o CCCC^o XIIIIv, regnorum nostrorum Hungariae et cetera XXVIII, Romanorum vero quarto.

Unter dem Siegel: Commissio propria domini regis.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 616, 1-2 auf S. 617.^{^}
b) Ausstellungsort im UB als: Speier.^{^}
[S. 616]
1) Vorlage: qua; a verschrieben für o.^{^}
[S. 617]
1) So Vorlage.^{^}
2) Vorlage: poterit.^{^}