Urkunde Nr. 1743 aus Band III

Seite im UB:

614-616

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.)

Druckvorlage:

nach Original

Abdruck als:

Volltext

Sprache:

Latein

---

1743

Speyer 1414 Juli 28^a) König Sigmund verleiht neuerdings den Ansiedlern auf Bistritzer Distriktsgebiet für drei beziehungsweise sechs Jahre Freiheit von allen Abgaben.

[S. 615] Von der Kanzlei: Commissio propria domini regis.

Nos Sigismundus dei gratia Romanorum rex semper augustus ac Hungariae et cetera rex memoriae commendamus per praesentes, quod cum nos civitatem nostram regalem Bistriciensem necnon districtus et pertinentias suas partium nostrarum Transsiluanarum propter varia et multiplicia incommoda pro debitae fidelitatis constantia per fideles nostros dilectos iudicem, iuratos cives et seniores totamque communitatem civitatis et districtus seu provinciae praedictorum necnon pertinentiarum eorundem nobis et sacrae coronae cunctis temporibus laudabiliter observata ipsis illata in non modica sui parte devastatam et derobatas,¹⁾ ut eaedem²⁾ sicuti numero sic et fidelitate de cetero augeantur, populosas efficere multitudineque populorum decorare intendamus, volumus igitur et praesentis scripti nostri patrocinio stabilimus, ut universi nostri regnicolae³⁾ quicumque undecumque et qualiscumque liberae conditionis homines existant, qui ad civitatem et districtus seu provincias necnon pertinentias eorundem causa commorandi venerint et in sessionibus habitatoribus destitutis aedificia habentibus descenderint trium, qui vero illac confluentes in locis desertis et aedificiis prorsus destitutis se locaverint sex integrorum annorum a die adventus ipsorum ab omni penitus datio, collecta, taxa et qualibet alia solutione exempti et gratiose emancipati libertatibus et gratiarum praerogativis pacifice, quiete et absque aliquali molestia uti frui et gaudem temporibus semper successivis valeant atque possint salvis eorum rebus et personis sub nostra protectione et tutela speciali ex praesenti nostri ipsis denuo concessa et attributa annuentia indultoque et gratia speciali harum nostrarum vigore et testimonio literarum mediante. Quocirca vobis fidelibus nostris universis et singulis praelatis, baronibus, castellanis, nobilibus eorumque officialibus item civitatibus et liberis villis ipsarumque rectoribus iudicibus et villicis necnon alterius cuiusvis status, conditionis et praeeminentiae possessionatis hominibus tam in regno nostro Hungariae quam⁴⁾ in eisdem partibus nostris Transsiluanis ubicumque constitutis praesentes inspecturis firmo regio sub edicto praecipimus et omnino volentes mandamus, quatenus a modo in antea et deinceps temporibus semper affuturis universos iobagiones et populos, qui de vestris possessionibus, tenutis, honoribus seu officiolatibus aut vestri e medio ad civitatem nostram Bistriciensem aut districtus vel provincias seu pertinentias eiusdem causa commorandi venire et se transferre voluerint, calumnia et impedimento quibuslibet relegatis, ampliori etiam nostro mandato superinde nequaquam exspectato salvis eorum rebus et personis libere et pacifice abire permittatis. Alioquin commisimus et vigore praesentium districte committimus fidelibus nostris magnifico vaivodae vel vicevaivodae aut comitibus vel ipsorum vices gerentibus illarum partium nostrarum seu comitatuum, in [S. 616] quibus praemissa nostra mandata per quempiam quod absit non observarentur, ut ipsi quoslibet huiusmodi nostrorum mandatorum transgressores ad plenam et realem eorundem observationem non sine eorum damnis et gravaminibus artius compellant et astringant in persona et auctoritate nostrae maiestatis praesentibus in hac parte eis attributa mediante. Secus igitur prout nostram gratiam graviter offendere pertimescitis facere non ausuri in praemissis. Praesentes etiam post earum lecturam semper in exhibentis manibus volumus remanere. Datum cis Renum in civitate Spirensi, Sabbato proximo post festum beati Jacobi apostoli, anno domini M^o CCCC^o XIIII^o, regnorum nostrorum anno Hungariae et cetera XXVIII, Romanorum vero quarto.


a) Ausstellungsort im UB als: Speier.^{^}

1) Vorlage: derobatos.^{^}
2) Vorlage: iidem.^{^}
3) Vorlage: regniculae.^{^}
4) Vom Worte quam an ist die Schrift gedrängter, kleiner und die Buchstaben sind näher an einander gestellt, doch vom selben Schreiber.^{^}