Urkunde Nr. 1738 aus Band III

Seite im UB:

606-608

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 12.

Druckvorlage:

nach Original

Abdruck als:

Volltext

Sprache:

Latein

---

1738

Hermannstadt 1414 Juli 3 Notar Stephan Nicolai schaltet die Urkunde des Notars Stephan Rasteter von 1414 Nr. »1735 ein und bezeugt, dass die seitens des Haschagener Pfarrers Dauid und Genossen an den päpstlichen Stuhl gerichtete Berufung gegen den Bischof Stephan verlautbart worden ist.

In nomine domini amen. Noverint universi praesens publicum instrumentum inspecturi, quod in mei notarii publici testiumque infra scriptorum praesentia personaliter constitutus discretus vir dominus Dauid rector parochialis ecclesiae sancti Petri de Haschagia procurator legitimus venerabilium virorum dominorum Dauid de Wrmloch, Johannis de Schelk maiori, Georgii de Schelk minori, Nicolai de villa Dominarum, Johannis de villa Ysopis, Nicolai de Scalis, Georgii de villa Mortini, Lodouici de villa Martini, [S. 607] Bartholomei de Argias et Johannis de villa Petri ac eorundem ecclesiarum Transsiluanae diocesis quandam appellationem nuper in foro Medies contra reverendum patrem dominum Stephanum episcopum Transsiluanum interpositam, in pergameno scriptam et signo ac nomine Stephani Johannis dicti Rasteter imperiali auctoritate notarii publici consignatam, quam tunc in suis tenebat manibus, animo insinuandi, intimandi sollennizandi apostolosque petendi et recipiendi eandem appellationem alta et intelligibili voce legit, publicavit, intimavit et sollennizavit huiusmodi sub tenore. (Folgt die Urkunde des Notars Stephan Rasteter von 1414 Nr. »1735.) Subscriptio notarii publici in eadem appellatione subscripti est talis. (Folgt die Beglaubigungsklausel des genannten Notars Stephan Rasteter.) Qua appellatione sicut praemittitur lecta, insinuata, publicata et sollennizata copiam dictae appellationis intimationis, insinuationis et sollennizationis omnibus petentibus se daturum praebuit et apostolos petiit, si quis est vel esset, qui eosdem sibi dare possit et velit. Et paratus erat iurare ad sancta dei euangelia et dixit, quod si esset sibi tutus accessus ad praesentiam dicti domini Stephani episcopi Albensis, coram ipso praedictam appellationem insinuare, publicare et sollennizare et copiam eiusdem appellationis praesentare vellet. Super quibus omnibus et singulis praefatus dominus Dauid nomine suo et suae ecclesiae et procuratorio nomine pro predictis dominis et ecclesiis eorundem petiit sibi per me notarium publicum infra scriptum fieri et confici unum vel plura publicum seu publica instrumentum seu instrumenta. Acta sunt haec Cybinii prae foribus ecclesiae parochialis beatae Mariae virginis ibidem Strigoniensis diocesis, sub anno nativitatis domini millesimo CCCC^mo XIIII, indictione VII, die vero tertia mensis Julii, pontificatus sanctissimi in Christo patris et domini nostri domini Johannis divina providentia papae XXIII anno quarto,¹⁾ hora tertiarum vel quasi. Praesentibus honorabilibus et religiosis viris fratre Michaele crucifero ordinis sancti spiritus et magistro hospitalis Cybiniensis, fratre Clemente de Cotwiz eiusdem ordinis, domino Georgio plebano de Hummersdorff et domino Osualdo presbytero de Cybinio ac conventore in Magno horreo testibus fide dignis Strigoniensis diocesis ad praemissa vocatis specialiter et rogatis.

Notarzeichen mit der Inschrift: Stephanus.
Et ego Stephanus Nicolai de Olomucz clericus eiusdem diocesis publicus auctoritate sacri imperii notarius approbatus quia dictae appellationis intimationi, insinuationi et solennizationi, lectioni, protestationi et petitioni ac aliis omnibus et singulis praemissis, dum sic fierent et agerentur, una cum praenominatis testibus praesens interfui eaque omnia et singula sic fieri vidi et audivi, sed me aliis certis et arduis praeoccupatum negotiis per alium fidelem conscribi procuravi, hic me propria manu subscripsi et in hanc publicam formam redegi meisque signo et nomine solitis et consuetis [S. 608] roborando signavi rogatus personaliter et requisitus in fidem et testimonium omnium et singulorum praemissorum. ^a)

Auf der Rückseite, von gleichzeitiger Hand: Haerens sententia apostolica.


a) Die Unterfertigung des Notars im UB in nach rechts eingerücktem Textblock.^{^}

1) Richtig: quinto.^{^}