Urkunde Nr. 1736 aus Band III

Seite im UB:

602-604

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1873.

Druckvorlage:

nach Abschrift

Abdruck als:

Volltext

Sprache:

Latein

---

1736

Mediasch 1414 Juni 30 Die Notare Stephan Rasteter und Stephan Nicolai bezeugen, dass der siebenbürgische Bischof Stephan vor den päpstlichen Stuhl vorgeladen worden ist.

In nomine domini amen. Noverint [universi praesens p]ublicum instrumentum inspecturi,²⁾ quod in mei notarii publici testiumque infra scriptorum praesentia personaliter constitutus honorabilis et discretus vir dominus Dauit [rector parochialis] ecclesiae sancti Petri de Haschadia procurator legitimus venerabilium virorum in infra scripta citatione nominatorum et descriptorum quandam literam c[itatoriam cum certo sig]illo oblongo pendenti,³⁾ quam in suis tenebat manibus cuiusque tenor sic incipit, universis et singulis Christi fidelibus et praesertim Vngaricae nationis Conradus [Conhouer] utriusque iuris doctor canonicus Eystetensis, domini nostri papae capellanus ipsiusque sacri palatii causarum et causae ac partibus infra scriptis ab eodem domino nostro papa auditor specialiter deputatus et cetera, et sic finit, datum et actum Bononiae in domo habitationis nostrae, sub anno nativitatis domini millesimo quadringentesimo XIIII, indictione septima, die vero Sabbati tertia decima mensis Januarii,⁴⁾ pontificatus sanctissimi in Christo patris et domini nostri domini Johannis divina providentia papae XXIII praedicti anno quarto. Praesentibus ibidem honorabilibus et discretis viris magistris Johanne Kyrichkoff literarum apostolicarum abbreviatore⁵⁾ et Petro Rendel notario publico scribaque nostro Patauiensis diocesis clericis testibus ad praemissa vocatis specialiter et rogatis. Subscriptio notarii in eadem citatione sic incipit videlicet, et ego Johannes Thomae de Creyuelt clericus Coloniensis diocesis publicus apostolica et imperiali auctoritatibus⁶⁾ notarius [S. 603] ac venerabilis et circumspecti viri domini Conradi Conhouer auditoris praefati et causae huiusmodi coram eo scriba praedictis citationi, inhibitioni, petitioni et decreto omnibusque aliis et singulis praemissis una cum testibus ante dictis praesens fui, hoc praesens publicum instrumentum per alium fideliter scriptum ex hinc in hanc formam redegi signoque quo utor apostolica auctoritate et nomine meis solitis una cum eiusdem domini Friderici Deys auditoris sigilli appensione corroboravi rogatus et requisitus in fidem et testimonium omnium et singulorum praemissorum. Quam citationis literam praefatus procurator hora quasi sexta cum duobus clavis ferreis affixit in valvis sive portis ecclesiae parochialis beatae Margarethae virginis in Medyes Transsiluanensis diocesis et ibidem affixam et extensam dimisit usque ad horam nonarum, donec summa missa ibidem fuit celebrata. Quam citationem multae personae legerunt et transacta dicta hora nonarum et finitis missis idem dominus Dauit procurator supra dictus dictam literam citatoriam de dictis portis dictae ecclesiae removit ipsumque dominum Stephanum episcopum Albensem publice et expresse citavit, ut ipse octuagesima die a die citationis sibi factae¹⁾ coram dicto domino auditore vel surrogato seu surrogando per se vel per alium procuratorem legitimum Bononiae vel alibi, ubi tunc forsan dictus dominus noster papa cum sua curia residebit, in palatio apostolico ubi iura redduntur mane hora causarum legitime compareat praefato domino²⁾ aut eius procuratori legitimo de et super omnibus et singulis in dicta commissionis et³⁾ citationis litera⁴⁾ expressis de iustitia responsurus et ad omnes actus gradatim et successive usque ad diffinitivam sententiam inclusive processurus, prout dictaverit ordo debitae rationis. Et de quibus omnibus et singulis videlicet affixione, dimissione et amotione⁵⁾ rogavit me notarium publicum infra scriptum, ut sibi conficerem unum vel plura publicum seu publica instrumenta. Acta sunt haec in foro Medyes iuxta et ante portas dictae ecclesiae parochialis, sub anno nativitatis domini millesimo quadringentesimo XIIII, indictione septima, die vero ultima mensis Junii, pontificatus sanctissimi in Christo patris et domini nostri domini Johannis divina providentia papae XXIII, anno quarto.⁶⁾ Praesentibus honorabilibus et discretis viris dominis Johanne presbytero de Appolldia, Johanne presbytero de Alczna, magistro Petro notario concive de Medyes, Henrico Sax dictae sedis notario et Nicolao clerico de villa Hetczelini testibus Strigoniensis et Albensis diocesis fide dignis ad praemissa vocatis specialiter et rogatis.

(Notarzeichen.)⁷⁾
Et ego Stephanus Johannis dicti Rasteter de Noua civitate clericus Salczburgensis diocesis sacra imperiali auctoritate notarius publicus quia praedic- [S. 604] tarum literarum citatoriarum in portis affixioni, dimissioni et amotioni omnibusque aliis et singulis supra scriptis, dum sic fierent et agerentur, una cum praenominatis testibus praesens interfui eaque omnia et singula supra scripta sic fieri vidi et audivi, ideo in hanc publicam formam manu propria redegi meisque signo et nomine solitis et consuetis consignavi rogatus et requisitus in fidem et testimonium omnium praemissorum.

(Notarzeichen.)¹⁾
Et ego Stephanus Nicolai de Olomucz clericus eiusdem diocesis, publicus auctoritate sacri imperii notarius approbatus quia praedictarum literarum citatoriarum lectioni et in portis affixioni, dimissioni, amotioni ac aliis omnibus et singulis praemissis, dum sic ut praemittitur fierent et agerentur, una cum notario publico et testibus supra scriptis etiam praesens interfui eaque omnia et singula sic fieri vidi et audivi ideoque hoc praesens publicum instrumentum exinde confectum per praefatum notarium publicum conscribi et in formam publicam redigi procuravi, me certis et aliis negotiis arduis praepeditum, signoque et nomine meis solitis et consuetis ad maiorem evidentiam roborando signavi rogatus hic me propria manu subscripsi et requisitus in fidem et evidens testimonium omnium et singulorum praemissorum. ^b)


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-6 auf S. 602 (1 zu voranstehender Urkunde), 1-7 auf S. 603, 1 auf S. 604 (dortige 2 zu nachfolgender Urkunde).^{^}
b) Die Unterfertigungen der beiden Notare im UB jeweils in nach rechts eingerückten Textblöcken.^{^}
[S. 602]
2) Vorlage: inspecturis.^{^}
3) Satzbau unvollständig. ^{^}
4) 1414 Januar 13. ^{^}
5) Vorlage: abreviatoris.^{^}
6) Vorlage: auctoritate.^{^}
1) Vorlage: facta.^{^}
2) Vorlage: praefatis dominis.^{^}
3) Fehlt in der Vorlage. ^{^}
4) Vorlage: literis.^{^}
5) Vorlage: amovitione.^{^}
6) Richtig: quinto.^{^}
7) In der Vorlage stehen an dieser Stelle die auf das Notarzeichen bezüglichen Worte des genannten Lukas Durner: Signum eius est rota crucibus circumcincta.^{^}
[S. 603]
1) In der Vorlage stehen an dieser Stelle die auf das Notarzeichen bezüglichen Worte des genannten Lukas Durner: Signeta sunt tres liliae duae deorsum et tertia sursum.^{^}