Urkunde Nr. 1730 aus Band III

Seite im UB:

591-592

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

1730

Cremona 1414 Februar 6 König Sigmund verbietet Stephan, dem Bischof von Siebenbürgen, die Bedrückung der Sachsen des Schelker Stuhles durch Zehntabgaben sowie durch Kirchenstrafen, Gefangennehmung und sonstige Gewaltthätigkeiten.

Von der Kanzlei: Commissio propria domini regis.

Sigismundus dei gratia Romanorum rex semper augustus ac Hungariae et cetera rex fideli nostro devoto reverendo in Christo patri domino Stephano episcopo Transsiluano salutem et gratiam. Ex gravi querela coram celsitudine nostrae maiestatis pro parte fidelium nostrorum clericorum et laicorum Saxonum sedis Schelk vocatae partium nostrarum Transsiluanarum signanter illorum, ad quos decimae vinorum, bladorum, agnellorum, apum aliarumque rerum exactio, administratio et perceptio pertinere dignoscuntur, saepius porrecta et oblata accepimus displicenter, quomodo vos decimas huiusmodi a praedictis nostris fidelibus sedis Schelk praetactae a multis retroactis teraporibus de facto, cum de iure non potuissetis, extorsissetis ius perceptionis decimarum earundem vobis taliter qualiter vendicando et [S. 592] de hoc non contenti, quod deterius esset, praedictos homines et populos utriusque status clericalis et saecularis contra ipsorum libertatem et privilegia ac laudabiles consuetudines excommunicando et excommunicatos publice denunciari facienda ac propter extorsionem decimarum huiusmodi ecclesiasticum interdictum per laicos poni faciendo iuris forma minime observata et alias per incarcerationes et comminationes formidabiles, insolitas et inconsuetas multipliciter turbassetis et turbare non cessaretis etiam illos et praesertim, qui praesidii causa nobis in remotis agentibus ad nostram celsi-tudinem recursum habere voluissent et vellent, prohibuissetis et prohiberetis de facto eisdem undique insidias ponendo, propter quae et alia multa scandala hactenus facta fuissent possentque cum personarum periculis mala evenire non sperata, de quibus nostra non sufficit admirari maiestas. Et quia talia contra deum et eius iustitiam facta et attentata videntur, fidelitati igitur vestrae firmissimo nostro regio daraus sub edicto mandantes, quatenus receptis praesentibus et intellectis nullo ulteriori nostro super hoc exspectato mandato, si praemissis veritas suffragatur, vos ab extorsione indebita et violenta decimarum vinorum, bladorum, agnellorum, apum aliarumque rerum retrahere, desistere et ab omnibus aliis iniuriis videlicet excommunicationis denunciatione, interdicti positione, incarceratione, prohibitione, comminatione, de quibus superius fit mentio, penitus cessare debeatis, et si quos propter indebitam decimarum solutionem petitam excommunicastis aut excommunicatos publice denunciari fecistis, absolvere et ecclesiasticum interdictum tollere, incarceratos pristinae libertati restituere et alias ab omni turbatione et molestia praedictis nostris fidelibus sedis Schelk praetactae ut nobis refertur occasione decimarum praetactarum indebite petitarum et extorsarum illatis et irrogatis de cetero vos immunes¹⁾ servare studeatis absentia nostrae maiestatis attenta. Alioquin iustitia exigente et clamore populi nostri praedicti utriusque status clericalis et laicalis continuato et convalescente annuere duximus et consentire praesentiumque vigore annuimus et consentimus, quod praedictus populus noster utriusque status praedicti contra vos et iniurias seu turbationes praetactas factas et attentatas omni meliori modo et via iuris licite se tueri valeant atque possint. Secus igitur pro nostra gratia non facturi. Praesentes quoque post lecturam reddi iubemus praesentanti. Datum Cremonae, in festo beatae Dorotheae virginis et martyris, anno domini millesimo quadringentesimo XIIII^o, regnorum nostrorum anno Hungariae XXVII^o, Romanorum vero quarto.


1) Vorlage: immune [Abkürzungssstrich über Wortende].^{^}