Urkunde Nr. 1725 aus Band III

Seite im UB:

581-584 ^a)

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1979.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1725

Szentimre 1413 Oktober 21 Ladislaus, Vizewoiwode von Siebenbürgen, ersucht das Weissenburger Kapitel, bei der Einführung Johann Grebs von Martinsdorf einerseits und der Töchter Nikolaus' von Rotberg und Genossin andererseits in je eine Hälfte der Besitzung Härwesdorf mitzuwirken.

Amicis suis honorandis capitulo ecclesiae Transsyluanae Ladislaus de Nadab vicevaivoda Transsiluanus amicitiam paratam cum honore. Noveritis quod magister Johannes dictus Greb de Mortonfalwa personaliter iuxta continentiam literarum nostrarum et nostrorum praedecessorum vicevaivodarum prorogatoriarum in octavis festi sancti Michaelis archangeli²⁾ in figura nostri [S. 582] iudicii comparendo contra nobilem dominam Katherina vocatam consortem Nicolai de Wyfalw, Henricum de Ebreg, Andream et Johannem, Michaelem et Mathiam de eadem, ac nobiles dominas Margaretham et Katherinam nuncupatas filias eiusdem Nicolai, Petrum, Michaelem, Laurentium filios, Katherinam filiam et nobilem dominam Margaretam, Melchiorem et Nicolaum filios ac Ceciliam filiam Nicolai de Weresmorth in anno domini millesimo quadringentesimo primo in octavis festi epiphaniarum domini¹⁾ proposuerat eo modo, quod directam medietatem possessionis Hortobagh vocatae in comitatu Albensi existentis ipsum iure contingentem pro se ipsis occupando potentialiter uterentur et uti facerent incessanter. Cuius rationem scire volebat ab eisdem. Et quia praenotatos²⁾ in causam attractos³⁾ praeter nobiles dominas Ceciliam filiam praelibati Nicolai de Weresmorth et Katherinam filiam Petri de Ffenyfalwa, pro quibus Laurentius de dicta Weresmorth et Jacobus filius Sampsonis de dicta Fenyefalwa cum procuratoriis literis nostris adstabant,⁴⁾ ad iuridicos terminos legitime citatos⁵⁾ et dehinc causa partium praescripta ad iuridicos terminos dilata exhibitionibus diversarum literarum vestrarum citatoriarum ac nostrorum praedecessorum vicevaivodarum et nostrarum prorogatoriarum necnon iudicialium nostrorum et eorundem vicevaivodarum nostrorum scilicet praedecessorum non venisse nec misisse et contra eosdem legitimos terminos complevisse seque mole iudiciali opprimi permisisse comperimus, se nepotem quondam Petri filii Michaelis castellani de Solmus idem actor allegando rationem a praescriptis nobilibus dominabus Cecilia et Katherina vocatis in praemissis scire volebat iure admittente. In horumque suorum verborum certitudinem quasdam literas vestras privilegiales in anno domini millesimo trecentesimo decimo nono, tertia feria in octavis beati Andreae apostoli⁶⁾ transsumptive editas⁷⁾ tenoremque literarum illustrissimi principis et domini, domini Karuli dei gratia quondam regis Hungariae et cetera felicis recordationis verbaliter in se habentes, in eodem anno feria secunda proxima post octavas festi omnium sanctorum⁸⁾ in Temeswar subortas coram nobis curavit exhibere declarantes, quod constitutis coram eodem domino Karulo rege Petro filio Michaelis cum proximo suo magistro Thoma filio Farkazii castellanoque de Solmus et de Haznus necnon comite Comanorum ac etiam fratre eiusdem Petri magistro Symone filio dicti Michaelis comite de Somlyo et de Crasso ab una, parte ex altera vero Nicolao et Johanne Conradi de terra Transsiluana per eosdem scilicet Nicolaum et Johannem exstitisset coram eodem affirmatum et dictum oraculo vivae vocis, quod quia saepe dictum Petrum in proximum recepissent, sororem eorum eidem tradendo, cum voluntate suae regiae maiestatis, quam proxi- [S. 583] mitatem ordinando inter partes praedictas ratione proximitatis praescriptae omnes possessiones eorundem iidem Nicolaus et Johannes cum dicto Petro taliter participassent propter specialem dilectionem dictae unionis gratia et petitione ab eodem obtenta, quam petitionem eadem regia maiestas fieri annuisset propter fidelia servitia memoratorum Thomae et Symonis magistrorum, quae servitia eidem regiae serenitati iidem Thomas et Symon in diversis articulis causarum exhibuissent lateri suo adhaerendo, et propter effusionem sanguinis filiorum eorum pro eodem¹⁾ ipsius Symonis,²⁾ irrevocabiliter et perpetuo donando in filios filiorum ipsius Petri. Itaque si praetactos Nicolaum et Johannem contingeret decedere de hac vita sine herede, tunc medietatem omnium possessionum eorundem videlicet sequentium Tolmach, Feketewyz, Omlas, Alamor, Zewles, Bolkach, Sythwe, Syle, Medwes, Mortonfalva, Zeech, Hortobagh, villa Morteni et villa Ermen vocatarum cum omnibus utilitatibus earum videlicet tributis et aliis, quibus avus ipsorum tenuisset et possedisset, dedissent et assignassent coram regia maiestate ipsi Petro perpetuo in filios filiorum eorum tenendas et habendas tali modo, quod si iidem Nicolaus et Johannes sine herede decederent, tunc tertiam partem praelibatarum possessionum cum omnibus utilitatibus et pertinentiis suis ut praemittitur idem Petrus obtinebit possidendam. Eadem vero regia maiestas propter fidelia servitia praedictorum Thomae et Symonis magistrorum ex regali gratia annuisset et commisisset, quod praedictas possessiones ab eodem Petro non removendo nec alienando pacifice eundem conservare assumpsisset in possessionibus praelibatis. Quibus quidem literis exhibitis et continentiis earum intellectis praenotati Laurentius et Jacobus pro praescriptis nobilibus dominabus cum procuratoriis literis nostris, nobilem etiam dominam Veronica vocatam sororem videlicet praelibatae nobilis dominae Ceciliae idem Laurentius virtute procuratoria intromisit causam in eandem allegando³⁾ easdem neptes quondam Cristanni filii Hennyngh esse³⁾ et idem Hennyngh legitime habuisset in uxorem filiam dicti Nicolai filii Conradi et essent cum eodem Johanne actore in linea generationis et affinitate proximitatis, ex eo dictam possessionem Hortobagh sine motione tenuissent et possedissent nobiles dominae praenotatae. In horum testimonium quasdam literas vestras privilegiales sub anno incarnationis verbi millesimo trecentesimo tricesimo septimo, feria sexta proxima ante quindenas festi sancti Michaelis archangeli⁴⁾ subortas nobis praesentarunt declarantes, quod nobilis vir Nicolaus filius Conradi de Tolmach misso ad vos nuncio suo speciali vobis significare curasset, quod quia ipse propter suam debilitatem personaliter ad vestram praesentiam accedere non valeret ad proponenda et confitenda, quae necessaria coram vobis confiteri et proponere haberet, aliquem ex vobis ad eum transmittere et destinare dignaremini, coram quo suum propositum aperiret, super hoc vobis humiliter supplicando. Unde vos cum ad ipsius supplicationem et petitionem de iure procedentem et de [S. 584] iustitia inclinati fuissetis, discretum virum magistrum Paulum archidiaconum de Crazna decanum ecclesiae vestrae concanonicum vestrum ad eum destinassetis. Tandem idem magister Paulus ad vos reversus dixisset vobis per vos requisitus, quod praedictus comes Nicolaus coram eo et multis aliis viris sana mente duas possessiones suas hereditarias Zeech et Hortobagh vocatas in sede Cybiniensi constitutas Cristanno filio Hennyngh de Fenyefalwa filio sororis suae uterinae dedisset, donasset et contulisset et per eum suis heredibus heredumque suorum successoribus perpetuo et irrevocabiliter sub eisdem metis, signis et terminis, sub quibus et cum quibus ipse et progenitores sui habuissent, tenuissent atque possedissent, eidem Cristanno ut praedicitur et ipsius heredibus heredumque suorum successoribus tenendas, possidendas pacifice, quiete et habendas. Quarum omnium praemissarum literarum exhibitionibus factis praelibatus magister Johannes Greb ut actor ab una, parte ex altera vero praefati Jacobus et Laurentius pro praescriptis nobilibus dominabus Cecilia, Veronica et Katherina vocatis veluti in causam attractis virtute procuratoria praemissa ad nostram et regni nobilium exsurgentes praesentiam, causam praemissam coram nobis vertentem ad pacis unionem postularunt, nobisque gratanter admittentibus tandem habita pace partes praedictae ad nos redeundo unanimi et concordi voluntate confessi exstiterunt, quod ipsi ordinativa compositione multorum proborum nobilium virorum pacem partium zelantium et partes suas interponentium in talem pacis et concordiae devenissent unionem, et devenerunt nostri in praesentia, quod praedicta possessio Hortobagh ipsos aequali iure tangeret et eandem in duas rectas et condecentes partes dividere deberent partes inter easdem cuilibet parti suum ius cum omnibus utilitatibus possidendum relinquendo,¹⁾ ad ipsamque divisionem et statutionem faciendam noster et vester homines necessario transmitti videbantur. Pro eo vestram amicitiam praesentibus petimus diligenter, quatenus vestrum mittatis hominem pro testimonio fide dignum, quo praesente magister Mathias literatus de Chaz specialis aut Nicolaus de Forrow vel Michael de Dalya aliis absentibus homo noster ad faciem praescriptae possessionis nunc habitatoribus ut dicitur destitutae Hortobagh vocatae, in comitatu Albensi sitae vicinis et commetaneis eiusdem universis illic legitime convocatis et partibus vel earum legitimis procuratoribus praesentibus accedendo eandem in duas rectas et condecentes partes dividat, quarum partium unam praenotato Johanni dicto Greb, aliam vero medietatem praelibatis nobilibus dominabus Ceciliae Nicolai dicti Wymester, et Veronicae Martini Cormorar consortibus filiabus videlicet Nicolai de Weresmorth, necnon Katherinae Jacobi filii Sampsonis consorti de Fenyefalwa filiae quondam Petri de eadem quibuslibet partibus cum omnibus earundem utilitatibus et pertinentiis universis quibuscumque vocitentur nominibus in filios filiorum et heredum per heredes perpetuo statuat possidendas contradictione quorumlibet non obstante. Et post haec ipsius possessionariae divisionis et statutionis seriem nobis amicabiliter rescribatis. Datum in Zenthemreh, sedecimo die octavarum festi sancti Michaelis archangeli praedictarum, anno domini millesimo quadringentesimo tredecimo. [S. 585]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 581 (1 zu voranstehender Urkunde), 1-8 auf S. 582, 1-4 auf S. 583, 1 auf S. 584.^{^}
[S. 581]
<fnzt>2) Oktober 6.^{2)'>^}
[S. 582] <fnzt>1) 1401 Januar 13. ^{^}
2) Vorlage: praenotati. ^{^}
3) Vorlage: attracti.^{^}
4) Fehlt in der Vorlage. ^{^}
5) Vorlage: citati.^{^}
6) 1319 Dezember 4. -- Vergleiche auch Nr. »369. ^{^}
7) Vorlage: editos.^{^}
8) 1319 November 12. -- Vergleiche Nr. »368. ^{^}
[S. 583]
1) Scilicet: rege.^{^}
2) Scilicet: propter effusionem sanguinis filiorum oder filii ipsius Symonis.^{^}
3) Fehlt in der Vorlage. [2x]^{^}
4) 1337 Oktober 10. -- Vergleiche Nr. »537. ^{^}
[S. 584]
1) Fehlt in der Vorlage.^{^}