Urkunde Nr. 1695 aus Band III

Seite im UB:

550-551

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1695

Hermannstadt 1412 September 14 Stibor, Woiwode von Siebenbürgen, richtet an den Comes und die Komitatsoberrichter von [Kolosch /] Kolozs einen Erlass, betreffend das Verbot, vom Gerichtsstuhl des Kolozsmonostorer Konventes gegen Jobagionen dieses Konventes an den Comes und die Komitatsoberrichter von Kolozs zu berufen, beziehungsweise betreffend die an die Städte zu leitende Weiterklage gegen die genannten Jobagionen.

[S. 551] Stiborius vaivoda Transsiluanus et comes de Zolnok nobilibus viris comiti vel vicecomiti et iudicibus nobilium comitatus de Clus debitam reverentiam cum salute. Noveritis quod religiosus vir dominus frater Briccius de Clusmonstra alias Besprimiensis praepositus in persona venerabilis in Christo patris et religiosi viri domini fratris Henrici¹⁾ abbatis de dicta Clusmonstra ad nostram veniens praesentiam exhibuit nobis quasdam literas serenissimi principis domini Sigismundi dei gratia Romanorum semper augusti ac Hungariae et cetera regis domini nostri gratiosi patentes, vobis ac universis nobilibus in dictis partibus Transsiluanis constitutis loquentes. In quarum continentiis inter cetera vidimus contineri, quod venerabilis et religiosus vir dominus frater Henricus abbas de Kolosmonostra²⁾ in eiusdem regiae maiestatis praesentiam plurimum conquerendo detegere curavisset, quod licet dicta ecclesia sua ex antiqua et laudabili ac approbata consuetudine semper his libertatum praerogativis freta fuerit et gavisa, ut si qui ex vobis aut vestris iobagiones ipsius domini abbatis et ecclesiae suae praedictae in sui aut officialium suorum praesentias in quibusvis factis in causam attrahendo de ipsorum domini abbatis aut dictorum officialium suorum iudicio non contentaremini, ex tunc huiusmodi causae non alias nisi ad civitates ipsius regiae maiestatis pro saniori et meliori ipsarum causarum deliberatione transmitti debuerint et valuerint, tamen vos a iudicio ipsorum ipsas causas, de quibus non contentaremini, non in ipsas civitates sed ad sedem vestram iudiciariam appellaretis et iobagiones ipsius domini abbatis per vosmet ipsos iudicari facientes ut plurimum aggravaretis, impediretis et perturbaretis in ipsius domini abbatis et dictae ecclesiae suae praeiudicium iuris et derogamen. Et quia ipsa regia maiestas eandem ecclesiam de Clusmonstra in suis libertatibus et iuribus indemniter vult conservare et nobis iniungit praecipiendo observari, igitur vestris nobilitatibus praesentibus diligenter committimus vobisque auctoritate regia per literas suas nobis iniuncta³⁾ et in hac parte attributa mediante damus firmis in mandatis, quatenus a modo a iudicio et iudicatu ipsorum domini abbatis et suorum officialium contra praemissam antiquam ipsius ecclesiae consuetudinem ad sedem vestram iudiciariam⁴⁾ ipsosque⁵⁾ in dicta sede vestra iudiciaria nullatenus iudicare seu iudicari facere praesumatis nec sitis ausi modo aliquali, sed a iudicio et iudicatu ipsorum domini abbatis et officialium suorum, ut praedictum est, iuxta ipsius ecclesiae antiquam libertatis praerogativam pro saniori deliberatione huiusmodi causarum in praesentiam iudicum et iuratorum civium civitatis ipsius regiae maiestatis appellare debeatis. Aliud igitur in praemissis non facturi. Qui si feceritis bene quidem, alioquin vos ad praemissa facienda cum vestris damnis et gravaminibus artius compellimus et astringimus auctoritate regia mediante. Praesentes quoque perlectas semper reddi volumus praesentanti. Datum in Cybinio, in festo exaltationis sanctae crucis, anno domini millesimo quadringentesimo duodecimo. [S. 552]


1) H gebessert aus: fr.^{^}
2) So Vorlage.^{^}
3) Vorlage: iniunctas.^{^}
4) Scilicet: causas appellare.^{^}
5) Scilicet: iobagiones.^{^}