Urkunde Nr. 1694 aus Band III

Seite im UB:

549-550 ^a)

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1694

Ofen 1412 September 9 König Sigmund beauftragt Stibor, den Woiwoden von Siebenbürgen, beziehungsweise den Vizewoiwoden Ladislaus mit der Begehung der Hattertgrenzen der Stadt Klausenburg einerseits und der Besitzung Fejerd andererseits.

Sigismundus dei gratia Romanorum rex semper augustus ac Hungariae et cetera rex fideli nostro magnifico viro Stiborio vaivodae Transsiluano vel strenuo militi Ladislao de Nadab ipsius vicevaivodae salutem et gratiam. Pro parte fidelium nostrorum iudicis et iuratorum ac universorum civium et hospitum necnon totius universitatis et communitatis nostrae civitatis Cluswar partis nostrae Transsiluanae praedictae²⁾ nostra displicenter intellexit serenitas, quod plerique forent vicini et commetanei ipsorum praesertim populi et incolae in possessione Ffeyerd vocata, in contigua vicinitate ipsorum existenti commorantes dominique³⁾ eiusdem,⁴⁾ qui ut plurimum iura nostra regalia pro se ipsis usurpare machinando metasque dictae nostrae civitatis dirrumpendo et transgrediendo non modicas terras in territorio eiusdem nostrae civitatis consistentes propria eorum potentia et temeritate occupassent et occupatis usi fuissent ac uterentur de praesenti potentialiter, indebite et minus iuste iurisdictionem regiam sibi ipsis appropriari et ipsam nostram civitatem iure suo privari ac metis seu terminis destituere temere praetendentes. Potissime quamquam pridem ipsis iudice et iuratis ac civibus [S. 550] et hospitibus metas dictae nostrae civitatis assumptis secum vobis scilicet vicevaivoda et conventus ecclesiae de Clusmonostra homine reambulare et renovare volentibus praetacti populi et hospites de dicta Ffeyerd vos et dicti conventus hominem ab huiusmodi reambulatione, renovatione et erectione metarum nullis certis et veris metis ipsius possessionis Ffeyerd demonstratis seu ostensis prohibuerint, tamen demum nullam eorum contradictionis rationem efficacem reddere curavissent solum praetensis allegationibus huiusmodi terras pro se retinere satagentes. Cumque ex debito nostri regii regiminis cunctorum et praecipue iurisdictioni nostrae immediate subiectorum oppressionibus subvenire et eisdem auxilium et relevamen adhibere teneamur velimusque quoslibet in ipsorum iuribus, metis et terminis eis legitime pertinentibus indemnes conservare et illaesos, igitur fidelitati vestrae firmiter praecipiendo mandamus, quatenus postquam praesentibus requisiti fueritis mox et in continenti praesente testimonio dicti conventus, quod per eundem serie praesentium illic transmitti iubemus, ad faciem territorii dictae civitatis Cluswar vicinis et commetaneis suis universis et signanter possessoribus dictae possessionis Ffeyerd inibi legitime convocatis et praesentibus accedendo eandem nostram civitatem circumquaque si opus fuerit praesertim vero a parte dictae possessionis Ffeyerd per suas veras metas et antiquas reambulare reambulataque et contradictoribus si qui fuerint literas eorum metales ibidem producere et exhibere aut certas et verissimas metas evidenter apparentes ostendere et demonstrare non valentibus inter terras litigiosas iuxta vestram considerationem et limitationem conscientiosam certaque documenta, quibus exinde poteritis informari, metas denuo erigere veteresque in locis necessariis renovare et a quorumlibet aliorum iuribus possessionariis eandem nostram civitatem metaliter separare et distinguere debeatis contradictione quorumlibet non obstante. Et post haec seriem omnium praemissorum ut fuerit expediens in literis memorati conventus nostrae personali fideliter rescribi edicimus maiestati. Praesentibus perlectis exhibenti restitutis. Datum Budae, secundo die festi nativitatis virginis gloriosae, anno domini M^mo quadringentesimo duodecimo, regnorum nostrorum anno Hungariae et cetera vigesimo quinto, Romanorum vero secundo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2-4 auf S. 549 (1 zu voranstehender Urkunde).^{^}

2) Vorlage: praedicti.^{^}
3) So Vizewoiwode Ladislaus. -- Vorlage: dnique.^{^}
4) Scilicet: possessionis Ffeyerd.^{^}