Urkunde Nr. 1693 aus Band III

Seite im UB:

547-549 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 24.

Druckvorlage:

nach Original

Abdruck als:

Volltext

Sprache:

Latein

---

1693

Ofen 1412 September 9 König Sigmund richtet an die Geistlichkeit beziehungsweise an den Adel, die Szekler und die Sachsen in Siebenbürgen einen Erlass, betreffend das Verbot gegen die Ausfolgung der als päpstliche Steuer abverlangten Hälfte der Pfarreinkünfte.

Von der Kanzlei: Relatio Piponis de Ozora comitis Themesiensis.

Sigismundus dei gratia Romanorum rex semper augustus ac Hungariae et cetera rex fidelibus nostris universis et singulis plebanis et ecclesiarum rectoribus tam in nostris quam aliorum quorumcumque civitatibus, oppidis, villis, possessionibus, tenutis et honoribus seu officiolatibus constitutarum et existentium,¹⁾ ex parte quarum medii fructus camerae apostolicae hactenus solvi non consuevere, item nobilibus, Siculis et Saxonibus partium nostrarum Transsiluanarum, in quorum possessionibus, honoribus seu officiolatibus ac medio huiusmodi ecclesiae consistunt fundatae, ad quos praesentium notitia pervenerit, salutem et gratiam. Nuper per certos nuncios vestros pro parte vestrae universitatis coram culmine nostrae maiestatis expositum fuit querulose, quomodo reverendissimus in Christo pater et dominus, dominus Branda tituli sancti Clementis presbyter cardinalis sedis apostolicae legatus amicus noster praecarissimus missis ad vos super hoc suis efficacibus literis et sententiis a vobis medios fructus plebaniarum seu ecclesiarum vestrarum praedictae camerae apostolicae solvi postulasset. Supplicatum exinde exstiterat maiestati nostrae precibus subiectivis, quatenus cum a divorum et catholicorum regum²⁾ Hungariae nostrorum scilicet praedecessorum temporibus huiusmodi gravamina nusquam ipsis fuerint imposita, eis circa hoc de remedio providere dignaremur opportuno. Unde nos considerantes exinde pericula et scandala graviora in clero et populo posse exoriri cupientesque ea salubriter evitare sanctissimo in Christo patri et domino nostro domino Johanni divina providentia papae vicesimo tertio per certas literas nostras humiliter supplicare decreveramus, ut eius sanctitas superinde paterna providentia et mansuetudinis benignitate salubriter consulere dignaretur, quatenus vos et quilibet vestrum in vestris antiquis laudabilibus consuetudinibus quiret permanere. Qui attendens³⁾ huiusmodi nostras supplicationes et preces ex causis legitimis sibi expositis fore iustas et admittendas per certas suas literas credentiales nobis bullari, ipsi vero domino legato anulari suo sigillo et signeto consignatas per vivumque suum nuncium scribere et intimare dignatus est, se nostrae in hac parte obtemperare voluntati. Quibus quidem literis apostolicis visis et relationibus auditis, agnito etiam in hac parte firmato⁴⁾ et immutabili nostro proposito et ipse dominus legatus nostrae obtemperavit voluntati. Nos igitur ex nostri regii regiminis debito caelitus nobis traditi volentes quoslibet nostrae iurisdictioni subiectos in suis iustis et antiquis laudabilibus consuetudinibus ac libertatum praerogativis et gratiosis [S. 549] exemptionibus illibate conservare et illaese nullas hactenus inconsuetas novitates ipsos gravare debentes nostris temporibus oriri permittendo, vestrae universitatis et cuiuslibet vestrum fidelitati firmissime praecipiendo mandamus¹⁾ omnino volentes, quatenus a modo in antea nullus omnino ex vobis ratione plebaniarum seu ecclesiarum suarum, unde usque modo medii fructus solvi non consuevere, de huiusmodi mediis fructibus alicui petenti sive collectoribus seu subcollectoribus eorundem absque speciali scientia nostrae maiestatis audeat vel praesumat modo quocumque respondere. Datum Budae, in crastino festi nativitatis virginis gloriosae, anno domini millesimo quadringentesimo duodecimo, regnorum nostrorum anno Hungariae et cetera vigesimo quinto, Romanorum vero secundo.

Unter dem Siegel: Relatio Piponis de Ozora comitis Themesiensis.


a) Erster Seitenumbruch in Siegelbeschreibung. Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 548, 1 auf S. 549 (dortige 2-4 zu nachfolgender Urkunde).^{^}
[S. 548]
1) Vorlage: existentibm.^{^}
2) um mit einem überzähligen Normalschaft. ^{^}
3) Gebessert aus: antendens.^{^}
4) Vorlage: fmiato [Abkürzungssstrich über mi].^{^}
[S. 549]
1) Vorlage: mandams.^{^}