Urkunde Nr. 1653 aus Band III

Seite im UB:

502-503

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 349 - Abt. 13: K. A. Mediasch [Parohia Ev. CA Mediaş], Nr. 160 (alt Nr. 206).

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

1653

Kaschau 1411 März 11 König Sigmund schaltet für Johann Verrl, den Bürgermeister von Hermannstadt, und Genossen ein die Urkunde des Hermannstädter Stuhles von 1411 Nr. »1652 enthaltend die Urkunde der sieben Stühle von 1395 Nr. »1366 und bestätigt die Entscheidung der sieben Stühle, betreffend die Höhe des zum Martinszinse der Stühle Mediasch und Schelken seitens der Gemeinde Meschen und Genossen zu leistenden Beitrages, sowie betreffend das Weiderecht.

Von der Kanzlei: Commissio propria domini regis. [S. 503]

Nos Sigismundus dei gratia Romanorum rex semper augustus ac Hungariae et cetera rex memoriae commendamus per praesentes, quod in nostrae veniens praesentiam maiestatis fidelis noster providus vir Johannes dictus Verrl magister civium nostrae civitatis Cibiniensis partium nostrarum Transsiluanarum exhibuit nobis certam literam iudicum sedis et civitatis Cibiniensis eiusdem patenter emanatam et sigillo eorundem iudicum ab intra appresso sigillatam et communitam, transsumptive aliam et certam literam adiudicatoriam provincialium septem sedium Saxonum partium Transsiluanarum earundem continentem, supplicans humiliter culmini nostrae maiestatis praefatus Johannes Verll magister civium suo ac praedictorum iudicum nominibus et in personis, ut adiudicationem, decisionem et statuta per ipsos iudices praedictarum septem sedium Saxonum factas et facta et in ipsa litera praesentibus inserta latius et clarius descriptas et descripta ratas et gratas, rata atque grata habendo ad easdem adiudicationem, decisionem et statuta, ut ipse Johannes asseruit in favorem duarum sedium Saxonum videlicet Medies et Schelken, et communitatis¹⁾ villae Muschna partium principalium²⁾ ex adverso factas et facta per iudiciarios legitimos processus regium nostrum consensum dare et praebere dignaremur pariter et assensum. Cuius literae tenor sequitur et est talis. (Folgt die Urkunde des Hermannstädter Stuhles von 1411 Nr. »1652 mit der Urkunde der sieben Stühle von 1395 Nr. »1366.) Nos igitur praedictis literis visis et consideratis et earum continentiis et clausulis attentis et pensatis easdem literas ratas atque gratas habendo et acceptando supplicationibus praefati Johannis Verll magistri civium praedictae nostrae civitatis Cybiniensis culmini nostrae maiestatis nominibus quibus supra humiliter oblatis et porrectis tamquam rationabilibus et iuri consonis admissis et ex regia pietate clementer exauditis ad praedictas adiudicationem et decisionem ac statuta ordine iudiciario superius descripto per iudices provinciales septem sedium Saxonum partium Transsiluanarum praedictarum factas et facta regium nostrum consensum dare duximus pariter et assensum praesentiumque damus et praebemus vigore harum literarum nostrarum patrocinio mediante, quas etiam sigillo nostro consueto fecimus communiri quasque semper reddi volumus praesentanti. Datum Casschouiae, feria quarta proxima post dominicam Reminiscere, anno domini millesimo quadringentesimo undecimo.


1) Vorlage: communitatem.^{^}
2) Vorlage: partes principales.^{^}