Urkunde Nr. 1645 aus Band III

Seite im UB:

492-493 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1645

1410 August 10 Das Weissenburger Kapitel berichtet Stibor, dem Woiwoden von Siebenbürgen, das Ergebnis der zu Gunsten des Kolozsmonostorer Konventes geführten Untersuchung, betreffend die gegen die Apahidaer verübten Gewalttätigkeiten.

Magnifico viro domino Stiborio vaivodae Transsiluano et comiti de Zolnok amico ipsorum honorando capitulum ecclesiae Transsiluanae amicitiam paratam cum honore. Noveritis quod nos literis annualibus serenissimi principis domini Sigismundi dei gratia illustris regis Hungariae et cetera domini nostri gratiosi pro religioso viro fratre Henrico abbate de Clusmonostra et pro suo monasterio sive conventu emanatis nobis praeceptorie directis honore quo decuit acceptis una cum Leonardo de Zuchack homine suo regio in eisdem nominato nostrum hominem videlicet Benedictum clericum ad infra scriptam inquisitionem faciendam pro testimonio duximus transmittendum. Qui demum exinde ad nos reversi nobis concorditer retulerunt, quod ipsi feria quarta proxima post festum beatae Margaretae virginis nunc praeteritum¹⁾ in comitatu de Clus procedendo ab omnibus quibus decuisset nobilibus videlicet et ignobilibus palam et occulte diligenter inquirendo comperissent talem veritatem, quod cum quidam portatores salium regalium intra metas possessionis praedicti monasterii beatae Mariae virginis de Clus- [S. 493] monostra Apathyda nominatae accessissent ac eorum iumenta boves et pecora ad prata et fenilia a longo tempore prohibita ausu temerario introire permisissent et impulissent ipsaque fenilia intra easdem metas existentia pro maiori parte depasci fecissent et quidam villani de praemissa Apadhyda hoc videntes ad impellenda et arestanda more alias solito praedicta iumenta et boves illic incurrissent, tunc idem memorati salium vectores per modum concordiae eisdem, quorum prata depasci fecerant, pro recuperatione damni de singulis curribus singulos quatuor denarios novos persolvissent, quidam vero ex eisdem portatoribus salium erga comites camararum salium in Zeek vices Johannis Siculi gerentes querimonias taliter porrexissent, quod ipsos sine culpis eorum taxassent. Quod annotati comites ciegel, rund, war in weisses Wachs auf der Rückseite aufgedrückt.amararum auscultantes¹⁾ et percutientes puta Anthonius dictus Wak, Jacobus literatus et Symon iudex praedicti Johannis Siculi vices gerens una cum aliis complicibus et familiaribus domini ipsorum scilicet eiusdem Johannis Siculi de eius voluntate, permissione et potentia mediante exsurgentes ultra trium possessionum metas more latronum absque ulla consueta regni lege usque ad praedictas metas memoratae possessionis Apadhida pervenissent ibique ad villanos de praedicta Apadhida quendam familiarem nobilis viri Johannis de Suck pro communi iustitia cernenda et consideranda cum quibusdam aliis destinassent sub tali forma, ut iidem villani de saepe fata Apadhida exire et ubi vel in quo loco praemissos portatores salium vagiassent demonstrare deberent. Qui quidem pauperes villani de eorum iustitia confisi tamquam simplices inermes²⁾ et securi existentes, et cum ad demonstrandum dictum locum pervenissent, iidem camararii³⁾ salium statim et in continenti evaginatis gladiis et aliis armis exstrictis ipsos invadendo diris vulneribus et plagis sauciassent, de quibus duos omnino semimortuos ita, ut nullus hominum de eorum vita securus fore potuisset, alios etiam duos letaliter vulneratos reliquissent, quos non aliter nisi in bigis seu curriculis ad domus ipsorum reducere iidem villani valuissent.⁴⁾ Quae quidem fenilia et locum supra dictum vulnerationis praedicti⁵⁾ regius et noster homines intra veras metas et antiquas eiusdem possessionis Apadhida fore comperissent ac eosdem vulneratos fide occulata conspexissent. Datum in festo beati Laurencii martyris, anno domini M^mo quadringentesimo decimo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 492, 1-5 auf S. 493.^{^}
[S. 492]
1) Juli 16.^{^}
[S. 493]
1) Vorlage: auscultatis.^{^}
2) Vorlage: inhemes [Abkürzungssstrich über he].^{^}
3) Vorlage: idem camarar [Abkürzungssstrich über letztem ar].^{^}
4) Über der Zeile nachgetragen.^{^}
5) Vorlage: praedictum.^{^}