Urkunde Nr. 1463 aus Band III

Seite im UB:

270-271 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1154.

Druckvorlage:

nach Original

Abdruck als:

Volltext

Sprache:

Latein

---

1463

Hermannstadt 1402 April 4 Dekan Simon und das Kapitel von Hermannstadt entscheiden den Wasserrechtsstreit zwischen der Marienkirche von Marpod und zwischen Leschkirch zu Gunsten der genannten Kirche von Marpod.

Nos Symon decanus et universi ecclesiarum rectores capituli Cybiniensis memoriae commendantes significamus quorum interest universis, quod nobis in civitate Cybiniensi pro tribunali sedentibus accesserunt nostrum conspectum honorabiles viri . . dominus plebanus in Meyrpot cum vitrico ecclesiae et nonnullis hominibus senioribus de eadem ab una et iurati atque seniores de Noua ecclesia parte ab alia. Per praemissos videlicet dominum plebanum, vitricum ecclesiae et seniores de Meirpot⁵⁾ contra dictos scilicet seniores de Noua ecclesia propositum et obiectum exstitit in hunc modum, videlicet quod quandam aquam Harbach vulgariter vocitatam, cuius tamen [S. 271] usus et utilitas verum et mater¹⁾ eiusdem aquae a superiori parte, ubi ipsorum territorium dictum fluvium tangit aut intrat, et descendendo versus dictam Nouam ecclesiam, ubi territorium trans aquas transire videretur, ecclesiae sanctissimae Mariae virginis in dicta eorum villa pertineret de iure, immo pertinuisset a longis retroactis temporibus ita, quod contrarium reminiscentia hominum non teneret, alienare attentarent in praeiudicium ante fatae ecclesiae non modicamque iacturam. Ex adverso vero per iuratos et seniores de ante dicta Noua ecclesia responsum exstitit hoc modo, quod praefata aqua ex contiguitate sui territorii cum suis utilitatibus ipsorum esset ac ad se perhiberetur pertinere. Auditis itaque obiectione et responsione utriusque partis, praehabita tamen matura deliberatione nomine et verbo nostro per honorabilem virum dominum Hermannum plebanum in Heltha pro sententia et diffinitione praemissae materiae pronunciatum exstitit, ut electis aut signatis XII viris per homines et seniores de saepe dicta Noua ecclesia iuxta eorum voluntatem quos voluerint de villa Meyrpot et per homines de dicta Meyrpot similiter XII viris inter homines de Vlenbach, Alto campo et Czeckindal electis et eorundem testimonio et iuramentis praemissis materia finem sortiri deberet. Consignatis itaque et electis XXIIII¹⁾ viris ut praefertur eisdemque coram nobis praesentialiter constitutis videlicet comite Wasmodo Grosyvart,²⁾ Cles auf dem Haws, Cles an der Gassen, Jorg Wydener, Steffan Hartunk, Petir Luu&e&sch, Steffan Thyes, Cles Roo&e&bel, Hans Yww&^&m, Cles Thomas, Petir Waner, item de Vlenbach Michil Schalcdorfer³⁾ Hanus Gerhart,⁴⁾ Kirsthin Fuchs, Matthias, item de Alto campo Michil Schuster, Kirstins Joo&e&rge⁵⁾ Hans Honcz,⁶⁾ Helwiths⁷⁾ Jacob, item de Czekindal Thomas Kirstin, Velrichs⁸⁾ Gerlach, Vlrich Wasmut de Czeckindal per eosdem tactis sacrosanctis euangeliis corporaliter depositum fuit et iuratum, quod praefata aqua iuxta dimensionem suam prout praemittitur ecclesiae sanctae Mariae virginis in dicta Meirpot⁹⁾ cum suis usibus pertineat et a cunctis temporibus pertinuerit et pertinuisse dignoscatur. Recepta itaque sollennitate tantorum iuramentorum praemissam aquam in sua dimensione ut praefertur hominibus et ecelesiae sanctae Mariae virginis in Meirpot⁹⁾ cum suis utilitatibus per honorabilem virum dominum Hermannum praedictum duximus adiudicandam a qualibet impetitione hominum de Noua ecclesia praetextu eiusdem eosdem¹⁰⁾ penitus absolvendo. In cuius testimonium praesentes¹¹⁾ sigilli nostri appensione munitas duximus concedendas. Datum in dicta Cybinio, feria tertia post dominicam Quasi modo geniti, anno domini M^o CCCC^o secundo. [S. 272]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 5 auf S. 270 (1-4 zu voranstehender Urkunde), 1-11 auf S. 271.^{^}
[S. 270]
5) Zweites Orig.: Meyrpot.^{^}
[S. 271]
1) So Vorlage. [2x]^{^}
2) Richtig vielleicht: Wasmodo, Grosyvart.^{^}
3) Zweites Orig.: Schaltdorfer.^{^}
4) Richtig vielleicht: Hanus, Gerhart.^{^}
5) Zweites Orig.: Jorge.^{^}
6) Zweites Orig.: Hencze.^{^}
7) Zweites Orig.: Helwichs.^{^}
8) Zweites Orig.: Vlrichs.^{^}
9) Zweites Orig.: Meyrpot. [2x]^{^}
10) Über der Zeile nachgetragen.^{^}
11) Scilicet: literas.^{^}