Urkunde Nr. 1351 aus Band III

Seite im UB:

139-140

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 33.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

1351

Zeiden 1395 März 9 König Sigmund verleiht Thomas, dem Pleban von Kronstadt, und Genossen die Besitzung Zernescht gegen die Verpflichtung zu einer an den Kastellan von Törzburg zu entrichtenden Abgabe.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendamus tenore praesentium significantes quibus expedit universis, quod discretus vir Thomas plebanus ecclesiae Brassouiensis ac Johannes, Jacobus et Cristianus filii quondam Mathiae necnon Anthonius filius Michaelis de sancta Agatha cives de dicta Brassouia necnon Nicolaus filius Herbordi comes de Feketehalm nostrum regium adeuntes conspectum ipsorum fidelibus servitiis nobis per eos tempore et loco opportunis exhibitis in reminiscentiam nostrae celsitudinis reductis quandam possessionem nostram regalem Zerne appellatam, ad castrum nostrum Terch vocatum spectantem, in districtu Brassouiensi situatam a nobis sibi perpetuo dari et conferri postularunt. Nos igitur consideratis fidelitatibus et fidelium servitiorum meritis ipsorum Thomae plebani necnon Johannis, Jacobi et Cristiani ac Anthonii et Nicolai, quibus ipsi assidue studuerunt et nunc anhelant ferventius in futurum toto posse nobis et sacro nostro diademati regio complacere, volentes igitur praemissorum intuitu ipsis favore occurrere gratioso praefatam possessionem nostram regalem Zerne vocatam a dicto castro nostro segregantes cum omnibus suis utilitatibus et pertinentiis universis signanter terris cultis et incultis, montibus, silvis, nemoribus, aquis, molendinis, pratis, pascuis et generaliter quibusvis commoditatum integritatibus sub suis veris et antiquis metis et terminis, quibus eadem ab olim usa fuit et possessa, de nostris regiis manibus nostraeque novae donationis titulo et omni eo iure, quo eadem ad nostram rite pertinere dignoscitur collationem, de praelatorum [S. 140] et baronum nostrorum consilio ex certaque nostrae maiestatis scientia eisdem Thomae plebano necnon Johanni, Jacobo, Cristiano ac Anthonio et Nicolao eorundemque Johannis, Jacobi, Cristiani ac Anthonii et Nicolai duntaxat heredibus et posteritatum ipsorum cunctis sobolibus sub tali conditione, ut ipsi et eorum successiva posteritas praefato castro nostro Terch seu eius castellano pro tempore constituto quinque florenos auri circa festum sancti Georgii et totidem quinque florenos auri circa festum sancti Michaelis archangeli singulis annis effective administrare teneantur et sint obligati, dedimus, donavimus et contulimus, immo damus, donamus et in aevum conferimus per ipsos Thomam plebanum necnon Johannem, Jacobum, Cristianum, Anthonium et Nicolaum eorundemque Johannis, Jacobi, Cristiani, Anthonii et Nicolai solummodo heredes perpetuo et irrevocabiliter tenendam, possidendam pariter et habendam hoc tamen specifice et expresse declarato, quod tertia recta pars ipsius possessionis Zerne memoratis Thomae plebano ac Johanni, Jacobo et Christiano suis fratribus et¹⁾ eorundem fratrum suorum duntaxat heredibus, alia vero tortia pars ante fato Anthonio et suis heredibus, et reliqua aequalis tertia pars annotato Nicolao et similiter suis heredibus cedere debeat et redundari patrocinio praesentium mediante, sine duntaxat iure alieno. Praesentes tandem nobis in specie allatas in formam nostri privilegii redigi faciemus pro eisdem. Datum in Feketehalm, feria tertia proxima post dominicam Reminiscere, anno domini millesimo CCC^mo nonagesimo quinto.


1) Fehlt in der Vorlage.^{^}