Urkunde Nr. 104 aus Band I

Seite im UB:

91

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 4.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

104

Gran 1264 Mai 6 Philipp, Erzbischof von Gran, erlaubt dem Dekan und den Pfarrern des Hermannstädter Kapitels, die bischöflichen Sakramente von jedwedem katholischen Bischof empfangen zu dürfen.

Phylippus miseratione divina sanctae Strigoniensis ecclesiae archiepiscopus, aulae regis cancellarius universis praesentes literas inspecturis salutem in domino. Ad universorum notitiam tenore praesentium volumus pervenire, quod nos sumptibus et laboribus dilectorum in Christo filiorum decani et plebanorum de Scybiniensi diocesi Ultrasiluana ad nos et sanctam ecclesiam Strigoniensem immediate spectantium, quos ad nos propter longam viae distantiam pro sacramentis episcopalibus recipiendis veniendo et redeundo sustinent, parcere cupientes, eisdem de gratia speciali concessimus, a quocumque catholico episcopo voluerint omnia sacramenta episcopalia de nostra licentia liberam habeant recipiendi facultatem, hoc tamen cautelae studio adhibito, quod prius debeant¹⁾ recipere literas illius episcopi a quo sacramentum episcopale sunt recepturi, quod hoc idem episcopus non suo iure, sed nostra auctoritate tenore praesentium in favorem praedictorum sibi commissa faciat administrans, et ipsas literas illius episcopi vel illorum episcoporum, a quo vel a quibus sacramenta successive recipiunt singulis annis in concilio provinciali supra dicti plebani per suos procuratores nobis praesentare et exhibere tenebuntur. Et in huius facti testimonium praesentes literas concessimus sigilli nostri munimine roboratas. Datum Strigonii, anno domini M^o. CC^o. L. X^o. IIII, intrante mense Maio, die sexto.


1) Vorlage: debeat.^{^}