Urkunde Nr. 1272 aus Band III

Seite im UB:

24-25

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

1272

Thorenburg 1391 April 21 Ladislaus, Woiwode von Siebenbürgen, bezeugt, dass laut Entscheidung des Thorenburger Landtages die Einwohner von Thorenburg Hattertgebiet der Besitzung Eghazfalua gewaltsamer Weise in Besitz genommen haben.

Nos Ladislaus vaivoda Transsiluanus et comes de Zonuk memoriae commendamus, quod in congregatione nostra generali universitati nobilium et alterius cuiusvis status et conditionis h[ominum] dictae partis Transsiluanae octavo die festi Passcae d[omini¹⁾ Tordae]²⁾ celebrata dominus Thomas custos³⁾ ecclesiae Orodyensis pro domino praeposito et capitulo eiusdem [ecclesiae Or]odyensis cum procuratoriis literis ipsius capituli de medio aliorum⁴⁾ exsurgendo proposuit eo modo, quod cives et hospites regales de Torda metas possessionis ipsorum domini praepositi et capituii Eghazfalua vocatae legitime erectas aboliendo, terras et nemora eiusdem possessionis Eghazfalua potentialiter occupando detinerent et uterentur, et hoc iudicibus nobilium et iuratis assessoribus dictae congregationis nostrae constaret evidenter, petens nos, ut iidem iudices nobilium et iurati assessores qualem de praemissis scirent per nos requisiti faterentur veritatem. Cumque nos eosdem iudices nobilium et iuratos assessores super praemissis requisitos habuissemus, iidem ad fidem eorum deo debitam fidelitatemque domino nostro regi et suo sacro diademati conservandam pro dicenda veritate et iustitia observanda tacto vivificae crucis ligno nobis praestitam unanimi et concordi testificatione affirmarunt, quod praefati cives et hospites regales de Torda praescriptas metas dictae possessionis praedictorum domini praepositi et capituli Eghazfalua vocatae legitime erectas aboliendo, terras et nemora ipsius possessionis Eghazfalua modo praehabito potentialiter occupando detinerent et uterentur. [S. 25] In cuius assertionis testimonium praesentes literas nostras praedictis domino praeposito et capitulo duximus concedendas iustitia communi observata. Datum vigesimo die congregationis nostrae praedictae, in loco memorato, anno domini M^mo CCC^mo nonagesimo primo.


1) April 2.^{^}
2) Loch, 2 Centimeter breit. ^{^}
3) Vorlage: custus.^{^}
4) al gebessert aus: ex.^{^}