Urkunde Nr. 1261 aus Band III

Seite im UB:

2-4 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kapitel Hermannstadt [Capitlul evanghelic CA Sibiu] (Inventar 298), Urkunden Nr. 12.

Druckvorlage:

nach Original

Abdruck als:

Volltext

Sprache:

Latein

---

1261

Hermannstadt 1391 März 2 Leonardus und Ludwig, Vikare des Graner Erzbischofs, verleihen für das in einigen Kirchengemeinden des Graner Erzbistums übliche Ave Maria je einen vierzigtägigen Ablass.

Leonardus de⁷⁾ Pensauro decretorum doctor archidiaconus Zagrabiensis eiusdemque et Strigoniensis ecclesiarum canonicus necnon reverendissimi in Christo patris et domini, domini Johannis miseratione divina sanctae Strigoniensis ecclesiae archiepiscopi locique eiusdem comitis perpetui ac aulae [S. 3] regiae et reginalis maiestatum Vngariae summi cancellarii vicarius in spiritualibus generalis universis et singulis Christi fidelibus per civitatem et diocesin Strigoniensem et alibi ubicumque in iurisdictione praefati domini nostri archiepiscopi constitutis salutem in domino et desiderium aeternorum. Redemptor noster dominus noster Jhesus Christus bonorum omnium retributor in misericordia copiosus, liberalis in gratiis et in retributione magnificus de abundantia suae pietatis, quae merita supplicum excedit et vota, bene servientibus multo maiora retribuit quam valeant promereri. Sicque nos iuxta impositi nobis ofiicii debitum salutem animarum plenis desideriis affectantes Christi fideles ad prosecutionem operum, per quae supernus amor aequiritur et ad caelestem patriam aditus praeparatur, nostris exhortationibus invitamus et, ut ad id eo magis devote et ferventer intendant, quo sibi noverint fructum exinde maioris utilitatis accrescere, spiritualia ipsis munera remissiones videlicet et indulgentias elargimur. Cum igitur sicut accepimus certarum ecclesiarum civitatis, diocesis et iurisdictionis praefati domini nostri archiepiscopi laudabilis consuetudo existat, ut in aurora et solis occasu trina vice signo cum campana facto, quod vulgariter ave Maria appellatur, fideles Christi flexis genibus angelica salutatione virginem gloriosam devote salutant,¹⁾ volentes ad dictarum ecclesiarum laudabilem consuetudinem et opus meritorium subditos praefati domini nostri archiepiscopi deducere et invitare, attendentes quod gloriosus deus in sanctis suis et ipsorum glorificatione gaudens in veneratione beatae Mariae semper virginis eo iucundius delectatur, quo ipsa utpote mater eius effecta meruit sanctis ceteris altius in caelestibus collocari, omnibus vere poenitentibus et confessis, qui matrem virginem gloriosam audito campanae sono in aurora et solis occasu angelica salutatione videlicet ave Maria ter flexis genibus dicendo salutaverint, de omnipotentis dei misericordia eiusque virginis gloriosae et beatorum Petri et Pauli apostolorum, pretiosi martyris beati Adalberti necnon confessorum pretiosorum Stephani, Emerici et Ladislai regni Vngariae patronorum suffragiis confidentes ex praedicti domini nostri archiepiscopi commissione speciali de iniunctis sibi poenitentiis quadraginta dies in domino misericorditer relaxamus. In cuius rei testimonium praesentes literas sigilli nostri maioris et authentici appensione munitas duximus concedendas. Anno dominicae nativitatis millesimo trecentesimo nonagesimo primo, indictione XIIII^ma, die secundo mensis Marcii, in Cybinio Strigoniensis diocesis, pontificatus sanctissimi in Christo patris et domini nostri domini Bonifacii divina Providentia papae noni anno secundo.

Nos Lodowycus dei et apostolicae sedis gratia episcopus Wicinensis ac vicarius in pontificalibus reverendissimi in Christo patris et domini, domini Johannis archiepiscopi Strigoniensis supra scripti generalis auctoritate nobis a praefato domino archiepiscopo commissa ac interveniente consensu et assensu venerabilis et circumspecti viri domini Leonardi et cetera vicarii supra nominati omnibus et singulis supra scripta servantibus de omnipotentis dei misericordia ac beatorum apostolorum eius Petri et Pauli ac aliorum [S. 4] sanctorum patrociniis eontisi vere poenitentibus et confessis XL^ta dies de iniunctis eis poenitentiis misericorditer in domino relaxamus In cuius rei testimonium sigillum nostrum praesentibus est appensum. Anno, indictione, die, mense, loco et pontificatu quibus supra.

Auf der Rückseite, auf dem unteren umgeschlagenen Pergamentrand vom Schreiber der Urkunde: Per me Martinum K. apostolica et imperiali auctoritate publicum notarium.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 3-7 auf S. 2 (1-2 zu voranstehender Urkunde -- 3-6 in Siegelbeschreibung), 1 auf S. 3.^{^}
b) Im UB Abbildung des Siegels des Ludwig, Vikar des Graner Erzbischofs, auf Tafel V, Bild 17 (unten als »Abb. 1) bzw. des Leonardus, Vikar des Graner Erzbischofs, auf Tafel III, Bild 9 (unten als »Abb. 2).^{^}
[S. 2]
3) D mit Abkürzungsschleife. ^{^}
4) R mit Abkürzungsschleife. ^{^}
5) AR verschränkt. ^{^}
6) I mit Abkürzungsschleife. ^{^}
7) Bis hierher verlängerte Schrift. ^{^}
[S. 3]
1) So Vorlage. ^{^}

Abb. 1


Abb. 2