Urkunde Nr. 1241 aus Band II

Seite im UB:

638-639 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

1241

Temeswar 1390 Januar 9 ^b) Königin Maria gestattet dem Weissenburger Kapitel, von der Besitzung Kleinenyed an Stelle des Neunten eine andere Abgabe zu erheben.

Nos Maria dei gratia regina Hungariae, Dalmaciae, Croaciae et cetera memoriae commandamus per praesentes, quod quamvis possessio honorabilium virorum fidelium nostrorum devotorum dominorum de capitulo ecclesiae Transsiluanae Enyed vocata eisdem libertatibus, praerogativis et gratiis uti et frui censeatur,¹⁾ quibus septem sedes Saxonicales partis nostrae Transsiluanae insignitae fore dignoscuntur, eademque possessio Enyed ex libertatibus praemissis ad solutionem nonae eisdem dominis de capitulo ex parte eiusdem possessionis ad instar ceterarum possessionum proveniendae et persolvi debendae obligata non existat, tamen nos volentes eandem Transsiluanam ecclesiam, ut in ipsa degentes in tutum domino uberius queant famulari, favore prosequi, gratiose annuimus itaque ipsis dominis de capitulo, auctoritate nostra reginali omnimodam tribuimus potestatem, ut ipsi praemissam solutionem nonae ipsis, ut praescribitur, ex parte dictorum iobagionum ipsorum provenire debendae in alium censum memoratae ecclesiae proficuum ipsisque convenientem possint et valeant commutare, harum nostrarum testimonio literarum mediante mandantes et districte iniungentes iobagionibus et populis de saepe dicta Enyed, quatenus iidem huic nostrae commissioni et annuentiae nullo²⁾ umquam tempore verbis aut factis audeant quomodolibet obviare nostrae gratiae sub obtentu. Datum in Temesswar, proximo die dominico post festum epiphaniarum domini, anno eiusdem M^o trecentesimo nonagesimo.


a) Seitenumbruch in Siegelbeschreibung.^{^}
b) Ausstellungsort im UB als: Temesvar.^{^}

1) Vorlage: censeantur.^{^}
2) Vorlage: ullo.^{^}