Urkunde Nr. 1237 aus Band II

Seite im UB:

635-636

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

1237

Szentimre 1389 Mai 19 Johann, Vizewoiwode von Siebenbürgen, ersucht das Weissenburger Kapitel, bei der Einführung Jakobs, des Sohnes Michaels von Haranglab, in einen Besitzanteil von Magyarsaros mitzuwirken.

Honorabilibus et discretis viris capitulo ecclesiae Transiluanae amicis suis honorandis Johannes vicevaivoda Transiluanus amicitiam paratam debito cum honore. Dicitur nobis in persona Jacobi filii Michaelis de Haranglab, quod ipse in portionem possessionariam in possessione Sarus¹⁾ vocata²⁾ in comitatu Kykellew existentis apud manus Martini et Georgii filiorum Petri de Zechel ac Petri filii Petri de eadem habita nomine sui iuris legitime vellet introire, si per quempiam non fieret³⁾ contradictum.⁴⁾ Super quo praesentibus petimus vestram amicitiam reverenter, quatenus vestrum mittatis hominem pro testimonio fide dignum, quo praesente Petrus de eadem Sarus vel Paulus de Sumugyon aut Michael de eadem aliis absentibus homo noster vicinis et commetaneis inibi legitime convocatis statuat eandem portionem possessionariam in dicta possessione Sarus habitam praedicto filio Michaelis eo iure, quo ad ipsum dignoscitur pertinere, si non fuerit contradictum, contradictores vero si qui fuerint, citet eosdem in nostram praesentiam ad terminum competentem. Et post haec diem et locum [S. 636] ipsius citationis cum nominibus citatorum et contradictorum nobis in vestris literis amicabiliter rescribatis. Datum in sancto Emerico, feria quarta proxima ante festum beatae Elenae, anno domini M^mo CCC^mo octuagesimo nono.

Auf der Rückseite Adresse: Honorabilibus et discretis viris capitulo ecclesiae Transiluanae pro Jacobo filio Michaelis de Haranglab.


1) Saras vom Schreiber geändert in: Sarus. Hierauf durchgestrichen: ex.^{^}
2) Hierauf durchgestrichen: existentis.^{^}
3) Hierauf nochmals: fieret.^{^}
4) Hierauf durchgestrichen: Sup.^{^}