Urkunde Nr. 1222 aus Band II

Seite im UB:

618-619

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 12.

Druckvorlage:

nach Original

Abdruck als:

Volltext

Sprache:

Latein

---

1222

Ofen 1387 Dezember 3 König Sigmund verleiht Stephan, dem Sohne Thomas' von Kleinkend, ferner Jakob Saas von Hermannstadt und Johann, dem Sohne Nikolaus' von Mediasch, die Besitzungen Zenth Janusfalua und Wyfalu.

Von der Kanzlei: Propria commissio domini regis.

Nos Sigismundus dei gratia rex Hungariae, Dalmaciae, Croaciae et cetera marchioque Brandemburgensis et cetera memoriae commendamus per praesentes, quod nobiles viri Stephanus filius Thomae de Kendhyda, Jacobus Saas dictus de Cybinio et Johannes filius Nicolai de Megees fideles nostri ad nostrae celsitudinis venientes praesentiam ipsorum fidelitates et fidelia servitia per eosdem nostrae maiestati ac sacro regio diademati a multis retroactis temporibus sub diversitate locorum et temporum non parcendo eorum rebus et personis exhibitas et impensa humiliter exponentes et declarantes ac in memoriam nostrae sublimitatis reducentes quasdam duas villas nostras regias Zenth Janusfalua et Wyfalu nuncupatas, in comitatu Albensi partis Transsiluanae existentes a nobis ipsis et eorum heredibus perpetuo dari et conferri postularunt. Nos igitur qui ex innata nobis regia munificentia cunctorum nostrorum fidelium servitia fidelia et virtuosa animo metiri debemus pietatis, fidelitatibus et fidelibus servitiis ac laude dignis meritis eorundem Stephani filii Thomae, Jacobi Saas dicti et Johannis filii Nicolai recensitis et in memoriam nostrae sublimitatis revocatis praemissas nostras villas Zenth Janusfalua et Wyfalu appellatas, in dicto comitatu habitas et situatas cum omnibus eorum pertinentiis, ut puta terris cultis et incultis, silvis, aquis, pratis, vineis, molendinis, piscinis et aliis quibuslibet utilitatum integritatibus sub suis veris metis et antiquis, quibus eaedem hactenus nomine regio rite possessae fuerunt et gubernatae, praelatorum et baronum nostrorum exinde [S. 619] maturis deliberatione et consilio praehabitis praefatis Stephano filio Thomae, Jacobo Saas dicto et Johanni filio Nicolai fidelibus nostris et per eos eorum heredibus heredumque suorum cunctis posteritatibus novae nostrae donationis titulo et omni eo iure, quo nostrae dignoscuntur pertinere collationi, de manibus nostris regiis et ex certa nostra scientia dedimus, donavimus et contulimus, immo damus, donamus et conferimus in his scriptis iure perpetuo et irrevocabiliter possidendas, tenendas pariter et habendas salvo tamen iure alieno. Praesentes etiam, dum nobis in specie reportatae fuerint, in formam nostri privilegii redigi faciemus. Datum Budae, feria tertia proxima post festum beati Andreae apostoli, anno domini millesimo trecentesimo octuagesimo septimo.

Unter dem Siegel: Propria commissio domini regis.