Urkunde Nr. 1211 aus Band II

Seite im UB:

607-608 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 50.

Druckvorlage:

nach Original

Abdruck als:

Volltext

Sprache:

Latein

---

1211

Hermannstadt 1387 Januar 11 Der Stuhl Hermannstadt bezeugt die Beilegung des Hattertstreites der Gemeinden Freck und Szakadat.

Nos iudices, iurati cives ac universi sedis Cibiniensis provincialium seniores memoriae commendantes notificamus praesens quibus expedit universis, quod inter communitates villae Affricae et villae Czectat diversorum incommodorum et multifariarum¹⁾ querimoniarum exorta sunt genera in facto territoriorum et aquae transitus, unde unius villae communitas communitati alterius villae inimicitias et odiosas causas intulebat. Quare praemissis causis finem debitum imponere curantes, reddentes cuilibet parti quod de iure ad eam pertinere cernitur, missis igitur per nos viris honorabilibus et circumspectis comitibus Jacobo iudici regio et provinciali nostrae sedis, Georgio de Dalheim, Petro de insula Gerhardi, Michaele ac Christano de Ruffomonte [S. 608] plena nostra auctoritate in hoc facto suffultos, qui dictarum communitatum territoria in pratis, pascuis et aquis undique deambulando videntes de consensu et voluntate partium praemissarum villarum talem distinctionem et metarum ambitum facientes. Primo ubi aqua dicta Alt per rupturam litoris veras metas fluentas exivit nsque ad locum ubi veras fluentas e converso intrat metas ex utraque parte litoris huius aquae Alt territorium et ipsa aqua cum omnibus utilitatibus et fructibus ad villam praemissam Affricae perpet[ue] debet pertinere. Dehinc vero praemissa aqua Alt veras metas fluentas e converso intrat descendendo usque ad territorium villae insulae Gerhardi omne territorium ab inferiori parte litoris ibidem situm cum universis utilitatibus pertinere perpetue debet ad communitatem villae Czectat. Piscinas vel piscaturas in ambobus distinctis territoriis extra aquam praemissam Alt sitas et habitas ipsarum piscinarum et piscaturarum fructus seu utilitates duae partes ad villam Czectat et tertia pars ad villam Affricae perpetuo et pleno iure debent pertinere exceptis quibusdam piscinis vel piscaturis comitis Henczmanni de dicta villa Affrica ibidem habitis, unde speciali nostra privilegiali gaudent libertate. In huius rei testimonium firmitatemque perpetuam nostras concedendo dedimus literas nostrae sedis pendentis sigilli¹⁾ robore munitas. Datum Cibinii, sexta feria infra octavas epiphaniarum domini, eiusdem anno M^mo CCC^mo LXXX^mo VII^mo.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1 auf S. 607, 1 auf S. 608 (dortige 2-5 zu nachfolgender Urkunde).^{^}
[S. 607]
1) Vorlage: multifarium.^{^}
[S. 608]
1) Vorlage: pendenti sigillo.^{^}