Urkunde Nr. 1208 aus Band II

Seite im UB:

604-605

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U.I (Inventar 25), Nr. 49.

Druckvorlage:

nach Original

Abdruck als:

Volltext

Sprache:

Latein

---

1208

Gran 1386 Juli 15 Königin Maria erlässt zu Gunsten der Hermannstädter eine Verordnung, betreffend die Verfolgung von Alexius aus Gyepes und Genossen wegen eines gegen Hermannstädter Kaufleute verübten Raubanfalls.

[S. 605] Maria dei gratia regina Hungariae, Dalmaciae, Croaciae et cetera fidelibus suis universis praelatis, baronibus, comitibus, nobilibus et iudicibus nobilium, item civitatibus et liberis villis ipsarumque rectoribus iudicibus et villicis quibus praesentes ostenduntur ubilibet intra ambitum regni nostri Hungariae existentibus salutem et gratiam. Universitas nostrorum fidelium civium de Cybinio nobis exposuit gravi cum querela, quomodo nonnulli malefactores ac homines maligni videlicet Allexius de Gyppus capitaneus et ductor, Juga de capella gener Beles, Stanislow de Capeila, Johannis dicti Chonka filii, et filius Kynda de Hunch, filius Hermanni de Hunch, Petrus de Capella filius Russ, Stephanus cum fratre suo de Susdya, Gregorius et Johannes dicti Pheyges de Bulch, filii Macri de Waradia, iobagiones Pauli et Nicolai filiorum Lochk, Todor de Susdya, iobagiones Stephani vaivodae, quorum iudex Niger appellatur, iobagiones Ladislai dicti Bekes, Godam filius Rad, Galaman gener Brat, filius Lupch de villa Chykus, filius Stan de Plychka, Elyas filius Juga, iobagiones Nicolai filii Abrahae in Chykus commorantes, Thomas dictus Pokoi famulus Petew de Chyle sororius Byles, Stan gener Bruna, Kanig de Nigro Kreis, Stan filius Broda de Josaas, iobagio Stephani vaivodae, qui habitat in Dyssnaius, Dyonisius filius Thewmus, Iwan filius Buda de Beresmort et duo Hungari de Chat, Blasius Sclavus hospes de Waradia, Baka Myklos, Dan filius Keczkes cum maxima comitiva, quorum nomina ipsis sunt incognita, quamplures cives et mercatores de dicta Cybinio nostros fideles cum rebus ipsorum mercimonialibus procedentes pridem hostiliter invadendo omnibus eorundem civium et mercatorum rebus et mercantiis imrao maxime copiosis ad valorem magnae pecuniae se extendentibus latrocinaliter depraedassent nonnullos graviter vulnerando, reliquos diris verberum plagis affligendo, aliquos etiam miserabili nece interimendo, propter quod factum non solum praedicti depraedati verum etiam universi cives Cybinienses gravia damna paterentur, quod nobis displicet ultra modum neque talia facinora sunt absque correctione debita dissimulanda, ne alii exemplati ad peiora animentur. Quare mandamus vestrae fidelitati firmo regio sub edicto, quatenus ubicumque dicti damnificati aut nomine ipsorum cives Cybinienses eosdem malefactores et praedones in vestris possessionibus, tenutis et honoribus ac vestri in¹⁾ medio seu in ipsorum propriis mansionibus reperire poterint et dum ad faciendam iustitiam invocati fueritis mox et sine dilatione prompti sitis ad inquirendum tales malefactores et de personis ac rebus eorundem malefactorum regni consuetudine requirente iustitiam ipsis laesis faciatis evidentem. Praecipimus etiam universis nobilibus ac alterius cuiuscumque conditionis hominibus sub quorum ditione tales malefactores existent seu reperti fuerint, ut ipsos non tueantur a facie iuris sed potius eosdem dent ad iudicandum. Et aliud non facturi gratiae nostrae sub obtentu, alioquin vobismet de talibus criminibus possemus imputare. Datum in Strigonio, die dominico proximo post festum beatae Margarethae virginis et martyris, anno domini M^o CCC^o LXXX^o VI^to. [S. 606]


1) Hierauf 2 Normalschäfte. ^{^}